ଶରୀର ଉପର ଦେଇ ଚାଲିଗଲା ଟ୍ରେନ, ଉପସ୍ଥିତ ବୁଦ୍ଧି ପାଇଁ ବଞ୍ଚିଗଲେ ମହିଳା
ସିକର : ସୋସିଆଲ ମିଡିଆରେ ଏକ ଆଶ୍ଚର୍ଯ୍ୟ କଲା ଭଳି ଭିଡିଓ ଭାଇରାଲ ହେବାରେ ଲାଗିଛି । ଭିଡିଓରେ ଜଣେ ମହିଳାଙ୍କ ଉପର ଦେଇ ମାଲବାହୀ ଟ୍ରେନ ଚାଲି ଯାଉଥିବା ଦେଖା ଯାଉଛି । ଟ୍ରେନଟି ଯିବା ପରେ ମହିଳାଙ୍କୁ ଜୀବିତ ଦେଖି ଉପସ୍ଥିତ ଲୋକେ ଆଶ୍ଚର୍ଯ୍ୟ ହେବା ସହ ନିଜର ଉପସ୍ଥିତ ବୁଦ୍ଧି ପାଇଁ ମହିଳାଜଣଙ୍କ ବଞ୍ଚିଗଲେ ବୋଲି ଲୋକେ କହିବା ଆରମ୍ଭ କରିଛନ୍ତି । ମହିଳାଙ୍କ ନାଁ ମାଳି ଦେବୀ ବୋଲି ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ନୀମ୍ କା ଥାନା ସହରରେ ଟ୍ରେନଟି ଅଟକିବା ପରେ ମହିଳାଜଣଙ୍କ ରେଳ ଧାରଣା ପାର ହେବା ଆରମ୍ଭ କରିଥିଲେ । କିନ୍ତୁ ଏହି ସମୟରେ ହଠାତ ଟ୍ରେନଟି ଚାଲୁ ହୋଇ ଯାଇଥିଲା । ଟ୍ରେନକୁ ନିଜ ଆଡ଼କୁ ଆସୁଥିବା ଦେଖି ମାଳି ଦେବୀ ରେଳ ଧାରାଣା ମଝିରେ ଶୋଇ ପଡ଼ିଥିଲେ । ଯାହା ଦ୍ୱାରା ସେ ନିଜର ଜୀବନ ବଞ୍ଚାଇ ପାରିଥିଲେ । ଏହି ଘଟଣାରେ ମାଳି ଦେବୀଙ୍କ କୌଣସି ପ୍ରକାରର ଆଘାତ ଲାଗି ନଥିବା ଜଣା ପଡ଼ିଛି ।