ବିମାନବନ୍ଦରରେ ମହିଳାଙ୍କୁ ସମସ୍ତେ ଗର୍ଭବତୀ ବୋଲି ଭାବୁଥିବା ବେଳେ ହଠାତ୍ ହାତରୁ ଖସି ପଡ଼ିଲା ଟିକେଟ୍, ତଳକୁ ନଇଁବା ପରେ ଧରା ପଡ଼ିଗଲା ମହିଳାଙ୍କ କାରସାଦୀ
ନୂଆଦିଲ୍ଲୀ : ବିମାନବନ୍ଦରରେ ଯାତ୍ରୀମାନେ ଅନେକ ଅଜବ ଅଜବ କାମ କରୁଥିବାର ସାମ୍ନାକୁ ଆସିଥାଏ । ପୂର୍ବରୁ ବ୍ୟାଗ୍ରେ ନେଇ ଯାଉଥିବା ଜିନିଷ ଅଧିକ ଥିଲେ ଟଙ୍କା ଦେବାକୁ ପଡ଼ୁଥିବାରୁ କିଛି ଯାତ୍ରୀ ଏକା ସାଙ୍ଗର ୫-୬ଟି ପୋଷାକ ପିନ୍ଧୁଥିବା ବେଳେ କିଛି ଯାତ୍ରୀ ବିମାନ ମଧ୍ୟରେ ନିଜର ମୋଜା ଶୁଖାଉଥିବା ଦେଖାଯାଇଛି । କିନ୍ତୁ ଏବେ ଜେଟ୍ଷ୍ଟାର ବିମାନରେ ଯାତ୍ରା କରୁଥିବା ରେବେକ୍କାଙ୍କ କାମ ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ରେବେକ୍କା ଜେଟ୍ଷ୍ଟାର ବିମାନରେ ଯାତ୍ରା କରିବାକୁ ଯାଉଥିବା ବେଳେ ତାଙ୍କ ବ୍ୟାଗ୍ରେ ଦରକାରଠାରୁ ଅଧିକ ଜିନିଷ ଥିବା ଜାଣିବାକୁ ପାଇଥିଲେ । ପରେ ଏ ନେଇ ଟଙ୍କା ଦେବାକୁ ପଡ଼ିବ ବୋଲି ଜାଣି ସେ ବ୍ୟାଗ୍ରୁ ନିଜର କିଛି ପୋଷାକ ଓ ତାର କାଢ଼ି ପିନ୍ଧିଥିବା ପୋଷାକ ଭିତରେ ଭର୍ତ୍ତି କରିଥିଲେ । ଏହା ସହ ଲାପ୍ଟପ ବାହାର କରି ପିଠି ପଟେ ଭର୍ତ୍ତି କରିଥିଲେ । ଏଭଳି କରି ସେ ସମସ୍ତଙ୍କୁ ଗର୍ଭବତୀ ଅଛନ୍ତି ବୋଲି ଜଣାଇବାକୁ ଚାହୁଁଥିଲେ । ଭିତରକୁ ଯିବା ପରେ ସମସ୍ତେ ସେ ଗର୍ଭବତୀ ଥିବା କଥା ଭାବିଥିଲେ ମଧ୍ୟ । କିନ୍ତୁ ପ୍ରବେଶ ପଥରେ ତାଙ୍କର ସମସ୍ତ କାରସାଦୀ ଧରା ପଡ଼ିଯାଇଥିଲା । ତାଙ୍କ ହାତରୁ ଟିକେଟ ଖସିଯିବାରୁ ସେ ଉଠାଇବା ପାଇଁ ତଳକୁ ନଇଁଥିଲେ । ଏହି ସମୟରେ ସେ ପଛ ପଟେ ରଖିଥିବା ଲାପ୍ଟପ୍ର ଧାର ବାହାରକୁ ଦିଶିଥିଲା । ଯାହାକୁ ବିମାନବନ୍ଦରର ସୁରକ୍ଷାକର୍ମୀମାନେ ଦେଖି ନେଇଥିଲେ । ସୁରକ୍ଷାକର୍ମୀମାନେ ତାଙ୍କୁ ଅଟକିବାକୁ କହିବା ପରେ ସେ ନିଜର ଦୋଷ ମାନି ନେଇଥିଲେ।