ନୂଆଦିଲ୍ଲୀ: ଦକ୍ଷୀଣ ଆଫ୍ରିକାରୁ ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି । ଜଣେ ମହିଳା ଏକାସାଙ୍ଗରେ ୧୦ଜଣ ପିଲାଙ୍କୁ ଜନ୍ମ ଦେଇ ବିଶ୍ୱରେ ଥିବା ସମସ୍ତ ରେକର୍ଡ ଭାଙ୍ଗି ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଦକ୍ଷୀଣ ଆଫ୍ରିକାର ଗୋଷିୟାମୀ ଥମରା ସିଥୋଲେ ନାମକ ଜଣେ ମହିଳା ଏକା ସାଙ୍ଗରେ ୧୦ଟି ପିଲାଙ୍କୁ ଜନ୍ମ ଦେଇଛନ୍ତି । ୧୦ଜଣ ନବଜାତଙ୍କ ମଧ୍ୟରେ ୭ ଜଣ ପୁଅ ଥିବାବେଳେ ଓ ୩ ଜଣ ଝିଅ ରହିଛନ୍ତି।
ତେବେ ମହିଳା ଜଣଙ୍କ ଗର୍ଭବତୀ ଥିବା ବେଳେ ତାଙ୍କୁ ଚିକିତ୍ସା କରୁଥିବା ଡାକ୍ତର କହିଥିଲେ କି ଗର୍ଭରେ ୬ ଟି ଶିଶୁ ଅଛନ୍ତି । ହେଲେ ଜୁନ ୭ ତାରିଖରେ ମହିଳାଙ୍କ ଅସ୍ତ୍ରୋପଚାର କରାଯାଇ ୧୦ ଟି ଶିଶୁକୁ ବାହାର କରାଯାଇଥିଲା । ସମସ୍ତ ଶିଶୁ ସୁସ୍ଥ ବି ଅଛନ୍ତି। ଏହି ସମୟରେ ଡାକ୍ତରଙ୍କ ସମେତ ଘଟଣାସ୍ଥଳରେ ଉପସ୍ଥିତ ଥିବା ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ।
ଡାକ୍ତର ନବଜାତଙ୍କୁ କିଛି ଦିନ ଇନକ୍ୟୁଭେଟର୍ସରେ ରଖିବାକୁ ପରାମର୍ଶ ଦେଇଛନ୍ତି । ଅନ୍ୟପଟେ ଡାକ୍ତରମାନେ କହିଛନ୍ତି କି ଗୋଷିୟାମୀ ପ୍ରାକୃତିକ ପଦ୍ଧତିରେ ଗର୍ଭବତୀ ହୋଇଥିଲେ ।
ଗୋଷିୟାମୀଙ୍କ ପୂର୍ବରୁ ମୋରକ୍କୋ ମାଲୀର ହଲିମା ସିସି ନାମକ ଜଣେ ମହିଳା ଏକାସାଙ୍ଗରେ ୯ ଟି ଶିଶୁକୁ ଜନ୍ମ ଦେଇଥିଲେ । ସେମାନଙ୍କ ମଧ୍ୟରୁ ୫ ଟି ଝିଅ ଓ ୪ ଟି ପୁଅ ଥିଲେ ।