ଛୁଆକୁ ଧରି ଆତ୍ମହତ୍ୟା କରିବାକୁ ଯାଉଥିବା ସମୟରେ ଦେବଦୂତ ସାଜିଲେ ବସ ଚାଳକ

ନୂଆଦିଲ୍ଲୀ: ଅନେକଲୋକ ସେମାନଙ୍କ ଜୀବନରେ ଆସୁଥିବା ସମସ୍ୟାର ସାମ୍ନା କରୁଥିବା ବେଳେ ଆଉ କିଛିଲୋକ ହାର ମାନି ଯାଇ ଆତ୍ମହତ୍ୟା ଭଳି କଠୋର ନିଷ୍ପତ୍ତି ନେଇ ଥାଆନ୍ତି। ଏହି କ୍ରମରେ ଏକ ଭିଡିଓ ସୋସିଆଲ ମିଡିଆରେ ସାମ୍ନାକୁ ଆସିଛି। ଯେଉଁଥିରେ ଜଣେ ମହିଳା ନିଜ ପିଲାକୁ ଧରି ପୋଲରୁ ତଳକୁ ଡେଇଁ ଆତ୍ମହତ୍ୟା କରିବାକୁ ଚେଷ୍ଟା କରୁଥିବା ଦେଖିବାକୁ ମିଳୁଛି। ତେବେ ଏହି ସମୟରେ ସୌଭାଗ୍ୟବଶତଃ ମା’ ଛୁଆଙ୍କ ପାଖରେ ଜଣେ ବସ ଚାଳକ ଦେବଦୂତ ସାଜି ପହଞ୍ଚି ଯାଇଥିଲେ। ଆଉ ଦୁହିଁଙ୍କ ଜୀବନ ବଞ୍ଚିଯାଇଥିଲା।

ଏହି ଭିଡିଓ ଟ୍ୱିଟରରେ @ TheFigen ନାମକ ଏକ ଆକାଉଣ୍ଟରେ ସେୟାର କରାଯାଇଛି। ଏହା ସହିତ କ୍ୟାପସନ୍ ଲେଖାଯାଇଛି – ହିରୋ ଡ୍ରାଇଭର। ଏହି ଭିଡିଓ ସେୟାର ହେବା ପରଠାରୁ ଲୋକେ ବାରମ୍ବାର ଦେଖିବା ସହିତ ଉକ୍ତ ବସ ଚାଳକଙ୍କୁ ଖୁବ ପ୍ରଶଂସା ବି କରୁଛନ୍ତି।

 

Hero Driver pic.twitter.com/FLEY85d6yY

— Figen (@TheFigen_) November 11, 2022

ଭାଇରାଲ ଭିଡିଓରେ ଏହା ଦେଖିବାକୁ ମିଳୁଛି ଯେ ଜଣେ ମହିଳା ନିଜ ପିଲାଙ୍କ ସହ ରାସ୍ତାରେ ଯାଉଛନ୍ତି ଏବଂ ପୋଲ ନିକଟରେ ପହଞ୍ଚିବା ପରେ  ପିଲାକୁ ଧରି ଡେଇଁବାକୁ ଚେଷ୍ଟା କରୁଛନ୍ତି। ଏତିକି ବେଳେ ବସ ଚାଳକ ମହିଳାଙ୍କ ମତିଗତି ଜାଣି ପାରି ତୁରନ୍ତ ବସରୁ ଓହ୍ଲାଇ ମହିଳା ଓ ତାଙ୍କ ପିଲାକୁ କାବୁ କରି ନେଇଥିଲେ। ତେବେ ମହିଳା ଜଣକ, ମୁଁ ବଞ୍ଚିବାକୁ ଚାହେଁ ନାହିଁ, ମୋତେ ବଞ୍ଚାଅ ନାହିଁ ବୋଲି କହି ଚିତ୍କାର କରି କହୁଥିଲେ।’