ଝିଅ ମାନି ବିଷଧର ସାପକୁ ପାଳୁଛନ୍ତି ମହିଳା, ଦୃଶ୍ୟ ଦେଖି ଆପଣ ବି ହୋଇଯିବେ ଚକିତ
ମଙ୍ଗେର: ଦୁନିଆରେ ସମୟସମୟରେ ଅଦ୍ଭୁତ ଘଟଣା ଓ ଲୋକଙ୍କୁ ଦେଖିବାକୁ ମିଳିଥାଏ। କୁକୁର, ବିଲେଇ ଓ ଅନ୍ୟ ପୋଷା ପଶୁ-ପକ୍ଷୀଙ୍କୁ ଅନେକ ଲୋକ ନିଜ ପୁଅ/ଝିଅ ମାନି ଲାଳନପାଳନ କରୁଥିବା ଘଟଣା ସାମ୍ନାକୁ ଆସିଛି। କିନ୍ତୁ ନିକଟରେ ଦେଖିବାକୁ ମିଳିଛି ବିହାରର ମୁଙ୍ଗେରରେ ଜଣେ ମହିଳା ବିଷଧର ସାପକୁ ନିଜ ଝିଅ ମାନି ତାକୁ ପାଖରେ ରଖିଛନ୍ତି। ସାପ ବି ଝିଅ ଭଳି ସେହି ମା’ର ସବୁକଥା ମାନୁଥିବା କୁହାଯାଉଛି। ସାପ ଓ ମା’ ମଧ୍ୟରେ ଏହି ମଧୁର ସମ୍ପର୍କ ଦେଖି ଆପଣ ବି ଆଶ୍ଚର୍ଯ୍ୟ ହୋଇଯିବେ।
Sambad is now on WhatsApp
Join and get latest news updates delivered to you via WhatsApp
ମୁଙ୍ଗେର ମୁଖ୍ୟାଳୟରୁ ପାଖାପାଖି ୪କିମି ଦୂର କାସିମ ବାଜାର ଥାନାର ହେରୁ ଦିୟାରାର ଡକରା ଗ୍ରାମରେ ଦିନମଜୁରିଆ ଭାବେ କାମ କରୁଥିବା କୃଷ୍ଣା ଯାଦବଙ୍କ ପତ୍ନୀ ମିଣାଦେବୀ ଏକ ବିଷଧର ସାପକୁ ନିଜ ଝିଅ ମାନି ତାହାର ଖୁବ୍ ଯତ୍ନ ନେଉଛନ୍ତି। ଏହି ସାପକୁ ନେଇ ସେ ଘରର ପ୍ରତ୍ୟେକ କାମ କରି ଥାଆନ୍ତି।
#FastNews– फटाफट अंदाज में 100 शहरों की अहम ख़बरें. pic.twitter.com/J1GGetLYYk
— Zee Bihar Jharkhand (@ZeeBiharNews) August 30, 2019
ମିଣା ଦେବୀଙ୍କ କହିବାନୁସାରେ ତାଙ୍କ କୋଳରେ ଏହି ସାପ ଜନ୍ମ ନେଇଛି। ଏଥିସହିତ ସେ କହିଥିଲେ ତାଙ୍କ କୋଳରେ ତିନିଟି ସାପ ଜନ୍ମ ନେଇଥିଲେ। ଯାହାଙ୍କୁ ସେ ନିଜ ସନ୍ତାନ ଭଳି ପାଳୁଥିଲେ। ତିନିଟି ସାପର ନାମ ସେ ଆନ୍ଧି, ତୁଫାନ୍ ଓ ମେଲ ରଖିଥିଲେ। ଏଥିମଧ୍ୟରୁ ଆନ୍ଧି ଓ ତୁଫାନ୍ଙ୍କ ମୃତ୍ୟୁ ହୋଇଯାଇଥିବା ବେଳେ ମେଲ ଅର୍ଥାତ୍ ମିନୁ ଏବେ ଜୀବିତ ରହିଛି। ଆନ୍ଧି ଓ ତୁଫାନ୍ଙ୍କୁ ଘରେ ରହିଥିବା ଦେବାଦେବୀଙ୍କ ସ୍ଥାନରେ ପୋତି ଦିଆଯାଇଛି। ଯାହାଙ୍କ ପୂଜା ପ୍ରତିଦିନ କରାଯାଇଥାଏ।
ସ୍ଥାନୀୟଲୋକଙ୍କ କହିବାନୁସାରେ, ମିଣା ଦେବୀଙ୍କ ମାନସିକ ସ୍ଥିତି ଠିକ୍ ନଥିବା ହେତୁ ଏପରି କଥା କହୁଛନ୍ତି।