ଶିବରାତ୍ରୀରେ ଶିବଲିଙ୍ଗକୁ ନିଜର ଜିଭ ଦାନ କଲେ ମହିଳା
କୋର୍ବା: ଜଣେ ୨୮ବର୍ଷୀୟା ମହିଳା ଆଜି ମହା ଶିବରାତ୍ରୀ ପାଳନ ଅବସରରେ ମନ୍ଦିରରେ ସର୍ବ ସମ୍ମୁଖରେ ନିଜର ଜିଭ କାଟି ଶିବଙ୍କୁ ଦାନ କରିଥିବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିଛି। ଏହି ଘଟଣା ଘଟିଛି, ଛତିଶଗଡ଼ର କୋର୍ବା ଜିଲ୍ଲାରେ । ବୁଧବାର ସକାଳେ କୋର୍ବା ଜିଲ୍ଲାରେ ଥିବା ନୁନେରୁ ଗ୍ରାମର ଶିବ ମନ୍ଦିରରେ ଏହି ଘଟଣା ଘଟିଥିଲା । ପୂଜା କରିବାକୁ ଆସିଥିବା ସୀମା ବାଇ ଗୋଣ୍ଡ ଭଗବାନ ଶିବଙ୍କୁ ପୂଜାର୍ଚ୍ଚନା କରିବା ପରେ ଏକ ଧାରୁଆ ଅସ୍ତ୍ରରେ ନିଜର ଜିଭକୁ କାଟି ଦେଇଥିଲେ । ଏହା ସହ ଜିଭକୁ ଶିବଲିଙ୍ଗ ପାଖରେ ନେଇ ରଖିଥିଲେ ।
Sambad is now on WhatsApp
Join and get latest news updates delivered to you via WhatsApp
ମହିଳାଙ୍କ ଏଭଳି କାର୍ଯ୍ୟକୁ ଦେଖି ସେଠାରେ ଉପସ୍ଥିତ ସମସ୍ତେ ଆଶ୍ଚର୍ଯ୍ୟଚକିତ ହୋଇଯିବା ସହ ସ୍ଥାନୀୟ ଲୋକେ ତାଙ୍କୁ ତୁରନ୍ତ ଡ଼ାକ୍ତରଖାନା ନେଇ ଯାଇଥିଲେ । ଏବେ ତାଙ୍କ ଅବସ୍ଥା ସ୍ଥିର ଥିବା ଜଣା ପଡ଼ିଛି । ତେବେ, ମହିଳା ଜଣକ ଏପରି ପଦକ୍ଷପ କ’ଣ ପାଇଁ ନେଲେ, ତାହା କେହି ଜାଣି ପାରୁ ନାହାନ୍ତି । ଅନ୍ୟ ପକ୍ଷରେ ସେ ଏହା କୌଣସି ମାନସିକ ପୂରଣ ଉଦ୍ଦେଶ୍ୟ କରିଥାଇ ପାରନ୍ତି ବୋଲି କିଛି ଲୋକେ ସନ୍ଦେହ କରୁଛନ୍ତି। କିନ୍ତୁ ଏହାର ପ୍ରକୃତ କାରଣ ଏ ପର୍ଯ୍ୟନ୍ତ ଜଣା ପଡ଼ି ନାହିଁ।