ବିଜୟୱାଡା ବିମାନବନ୍ଦରର ୬୦୦ କର୍ମଚାରୀଙ୍କ ପାଇଁ ପୁନଃବ୍ୟବହାରଯୋଗ୍ୟ ଫେସ୍ ମାସ୍କ ତିଆରି କରୁଛନ୍ତି ମହିଳା କର୍ମଚାରୀ

ବିଜୟୱାଡା: ବିଜୟୱାଡା ବିମାନବନ୍ଦର ଆସନ୍ତା ୩ତାରିଖ ସୁଦ୍ଧା ନିଜ କର୍ମଚାରୀଙ୍କ ପାଇଁ ୨୦୦୦ ପୁନଃବ୍ୟବହାରଯୋଗ୍ୟ ଫେସ୍ ମାସ୍କ ତିଆରି କରିବାକୁ ଲକ୍ଷ୍ୟ ଧାର୍ଯ୍ୟ କରିଛି। ବିମାନ ବନ୍ଦର ନିର୍ଦ୍ଦେଶକ ଜି ମଧୁସୂଦନ ରାଓ କହିଛନ୍ତି ଯେ, କୋଭିଡ -୧୯  ଘଟଣାର ସାକ୍ଷୀ ହେବା ପରେ ମହିଳା କର୍ମଚାରୀମାନେ ଏହି ଭୂତାଣୁର ମୁକାବିଲା ପାଇଁ ଏପ୍ରିଲ ୧୯ରୁ ପୁନଃବ୍ୟବହାରଯୋଗ୍ୟ ଫେସ୍ ମାସ୍କ ତିଆରି କରିବା ଆରମ୍ଭ କରିଥିଲେ। ଅବଶ୍ୟ, ଲକଡାଉନ୍ ଉତ୍ତମ ଗୁଣାତ୍ମକ କପଡା ଏବଂ ସିଲେଇ ମେସିନ୍ କ୍ରୟ କରିବା କାର୍ଯ୍ୟକୁ ଅଧିକ ଚାଲେଞ୍ଜିଙ୍ଗ କରିଦେଇଛି ବୋଲି ସେ ସ୍ୱୀକାର କରିଛନ୍ତି। ସିଲେଇ ମେସିନ ଥିବା କିଛି କର୍ମଚାରୀ ଏହି କାମରେ ବହୁତ ସାହାଯ୍ୟ କରିଥିବା ସେ କହିଛନ୍ତି ।

ବନ୍ଦର ନିର୍ଦ୍ଦେଶକ କହନ୍ତି, ବର୍ତ୍ତମାନ ଆମେ ପୁଲିସ ପାଇଁ ଉଦ୍ଦିଷ୍ଟ କପଡା ବ୍ୟବହାର କରୁଛୁ। ମୋଟାମୋଟି ବିମାନ ସେବା ଏବଂ ସୁରକ୍ଷା କର୍ମୀଙ୍କ ସମେତ ବିମାନବନ୍ଦର କର୍ମଚାରୀଙ୍କ ସଂଖ୍ୟା ପ୍ରାୟ ୬୦୦ଅଟେ। ପ୍ରତ୍ୟେକ କର୍ମଚାରୀଙ୍କୁ ଦୁଇଟି ମାସ୍କ ଦିଆଯିବ ଏବଂ ସେମାନଙ୍କୁ କିପରି ସଠିକ୍ ଭାବରେ ବ୍ୟବହାର କରାଯିବ ତାହା ଶିଖାଯିବ। ମାସ୍କଗୁଡିକ ବଣ୍ଟନ ପୂର୍ବରୁ ସଫା କରାଯିବ | ସେଗୁଡ଼ିକୁ ଧୋଇ ପୁନର୍ବାର ବ୍ୟବହାର କରାଯାଇପାରିବ ବୋଲି ମଧୁସୂଦନ ରାଓ କହିଛନ୍ତି। ବର୍ତ୍ତମାନ ବିମାନବନ୍ଦର କର୍ମଚାରୀମାନେ ସପ୍ତାହରେ ୨୦୦ମାସ୍କ ଉତ୍ପାଦନ କରିବାକୁ ସକ୍ଷମ ଅଟନ୍ତି, କିନ୍ତୁ ଉତ୍ପାଦନ କ୍ଷମତା ବୃଦ୍ଧି ପାଇଁ ପ୍ରୟାସ ଚାଲିଛି, ଯାହା ଦ୍ୱାରା ମେ ୩ ଭିତରେ ଲକ୍ଷ୍ୟ ପୂରଣ ହେବ ବୋଲି ସେ ସୂଚନା ଦେଇଛନ୍ତି।