ଉତ୍ତରପ୍ରଦେଶର ଏହି ଗାଁରେ ପ୍ରତି ବର୍ଷ ୩ ମାସ ପାଇଁ ବିଧବା ହୋଇଯାଆନ୍ତି ମହିଳା, ଜାଣନ୍ତୁ ଏହି ଅଜବ ପ୍ରଥା ବିଷୟରେ
ଭେଲଓ୍ଵାଡ଼ା(ଉତ୍ତରପ୍ରଦେଶ) : ବିବାହ ପରେ ସ୍ୱାମୀ-ସ୍ତ୍ରୀ ସଂପର୍କ ଜନ୍ମ ଜନ୍ମାନ୍ତର ପାଇଁ ହୋଇ ଯାଇଥାଏ ବୋଲି ବିଶ୍ୱାସ ରହିଛି । ସ୍ୱାମୀର ମୃତ୍ୟୁ ପରେ ହିଁ ସ୍ତ୍ରୀ ସିନ୍ଦୂର ପିନ୍ଧିବା ବନ୍ଦ କରିଥାଏ । କିନ୍ତୁ ଉତ୍ତରପ୍ରଦେଶର ଭେଲଓ୍ଵାଡ଼ା ଜିଲ୍ଲାରେ ଥିବା ଏକ ଗ୍ରାମରେ ଏଭଳି ପରମ୍ପରାର ଠିକ୍ ବିପରୀତ ଦୃଶ୍ୟ ଦେଖିବାକୁ ମିଳେ । ଏଠାରେ ପ୍ରତିବର୍ଷ ମହିଳାମାନେ ୩ ମାସ ପାଇଁ ବିଧବାର ଜୀବନ ବଞ୍ଚିଥାନ୍ତି । ସାଧା ପୋଷାକ ପରିଧାନ କରିବା ସହ ସିନ୍ଦୂର ଓ ଚୁଡ଼ି ପିନ୍ଧନ୍ତି ନାହିଁ । ଗାଁରେ ଥିବା ଏକ ପୁରୁଣା ପରମ୍ପରା ପାଇଁ ମହିଳାମାନଙ୍କୁ ବାଧ୍ୟ ହୋଇ ଏପରି କରିବାକୁ ପଡ଼ିଥାଏ।
Sambad is now on WhatsApp
Join and get latest news updates delivered to you via WhatsApp
ଏହାର କାରଣ ହେଉଛି,ଏହି ଗ୍ରାମରେ ଥିବା ପୁରୁଷ ୩ ମାସ ପାଇଁ ତାଡ଼ି ବାହାର କରିବାକୁ ଯାଇଥାନ୍ତି । ଏହି ସମୟରେ ସେମାନେ ଘର ବାହାରକୁ ଯାଇ ତାଳ ଗଛରୁ ତାଡ଼ି ବାହାର କରିବା କାମ କରିଥାନ୍ତି । ଗଛର ଉପର ଭାଗ ଖସଡ଼ା ଏବଂ ଉଚ୍ଚା ହୋଇଥିବାରୁ କିଛି ଲୋକ ଗଛରୁ ଖସି ମୃତ୍ୟୁବରଣ କରୁଥିବାରୁ ମହିଳାମାନେ ଏପରି କରୁଥିବା ଜଣାପଡ଼ିଛି । ୩ ମାସ ପର୍ଯ୍ୟନ୍ତ କିଛି ଘଟିବା ଡ଼ରରେ ସେମାନେ ଏଭଳି ସାଧାସିଧା ଜୀବନ ବଞ୍ଚିବା ଆରମ୍ଭ କରିଥାନ୍ତି । ପରେ ସ୍ୱାମୀ ଠିକ୍ ଭାବରେ ଘରକୁ ଫେରିବା ପରେ ସେମାନେ ରଙ୍ଗବେରଙ୍ଗର ପୋଷାକକୁ ପିନ୍ଧି ସିନ୍ଦୂର ଲଗାଇବା ଆରମ୍ଭ କରିଥାନ୍ତି ।