ବିଶ୍ବ ରଙ୍ଗମଞ୍ଚ ଦିବସ

ରଙ୍ଗମଞ୍ଚ ହେଉଛି ଏକ ପ୍ରମୁଖ କଳାକେନ୍ଦ୍ର ଯାହା ସଂସ୍କୃତିର ବାହକ। ତାହା ଏପରି ଏକ ପରମ୍ପରା ଯାହା ସମଗ୍ର ବିଶ୍ବରେ ବିଦ୍ୟମାନ। ଗ୍ରୀକ୍‌ମାନଙ୍କ ପରଠାରୁ ରଙ୍ଗମଞ୍ଚ ହେଉଛି ମନୋରଞ୍ଜନର ଏକ ପ୍ରମୁଖ ମାଧ୍ୟମ। ଏହା ଅନେକ ସୂକ୍ଷ୍ମକଳାର ସଂଶ୍ଳେଷଣ, ଯହିଁରେ ଜୀବନ୍ତ କଳାକାର, ଜୀବନ୍ତ ଦର୍ଶକଙ୍କୁ ଏକ ନିର୍ଦ୍ଦିଷ୍ଟ ପରିବେଶରେ ସେମାନଙ୍କର ପ୍ରକୃତ ଅନୁଭୂତି ସଞ୍ଚାର କରିଥା’ନ୍ତି। ତେଣୁ ନାଟକ ଓ ନାଟ୍ୟକଳାର ମୂଲ୍ୟବୋଧ, ମନୋରଞ୍ଜନ କ୍ଷେତ୍ରରେ ସେମାନଙ୍କର ଭୂମିକା ଓ ନାଟ୍ୟକଳାରେ ଆସିଥିବା ପରିବର୍ତ୍ତନକୁ ସମ୍ମାନ ଜଣାଇବା ଉଦ୍ଦେଶ୍ୟରେ ୧୯୬୧ ମସିହାରେ ଫିନ୍‌ଲାଣ୍ଡର ହେଲସିଙ୍କି ଠାରେ ଆୟୋଜିତ ଆନ୍ତର୍ଜାତିକ ଥିଏଟର ପ୍ରତିଷ୍ଠାନର ବିଶ୍ବ ସମାବେଶରେ ବିଶ୍ବ ରଙ୍ଗମଞ୍ଚ ଦିବସ ପାଳନର ପରିକଳ୍ପନା କରାଯାଇଥିଲା।

ସେହି ଦିନଠାରୁ ନିରନ୍ତର ଭାବେ ପ୍ରତି ବର୍ଷ ବିଭିନ୍ନ ଦେଶରେ ନାଟକ ମଞ୍ଚସ୍ଥ ପୂର୍ବକ ଏପରି ଦିବସ ପାଳିତ ହୋଇ ଆସୁଛି। ଏହା ଦ୍ବାରା ନାଟ୍ୟକଳାର ମହତ୍ତ୍ବ, ମନୋରଞ୍ଜନରେ ତାହାର ଭୂମିକା ଏବଂ ଲୋକଙ୍କ ଜୀବନରେ ତାହା ଦ୍ବାରା ଗ୍ରହଣ କରାଯାଉଥିବା ସମ୍ଭାବ୍ୟ ଉନ୍ନତି ବିଷୟରେ ଜନସଚେତନତା ସୃଷ୍ଟି ହୋଇପାରୁଛି। ରଙ୍ଗମଞ୍ଚ ସମ୍ପର୍କରେ ଦୁନିଆର ପ୍ରସିଦ୍ଧ ବ୍ୟକ୍ତିମାନଙ୍କର ଧାରଣା କ’ଣ, ସେହି ବାର୍ତ୍ତା ବାଣ୍ଟିବା ହେଉଛି ଏହି ଦିବସ ପାଳନର ଅନ୍ୟତମ ଲକ୍ଷ୍ୟ। ଚଳିତ ବର୍ଷ ଏହି ଦିବସ ପାଳନର ମୁଦ୍ଦା ହେଉଛି ‘ରଙ୍ଗମଞ୍ଚ ଓ ଶାନ୍ତିର ସଂସ୍କୃତି’। ଅର୍ଥାତ୍‌ ରଙ୍ଗମଞ୍ଚ ମାଧ୍ୟମରେ ଶାନ୍ତି ବଜାୟ ରହିବାର ସଂସ୍କୃତିକୁ ଆପଣାଇ ହେବ।

ସମ୍ବନ୍ଧିତ ଖବର