ବିଶ୍ୱର ସବୁଠାରୁ ବଡ଼ ଟ୍ରି-ହାଉସ୍‌

ଆମେରିକାର ଟେନେସି ରାଜ୍ୟରେ ଥିବା କ୍ରସ୍‌ଭିଲେ ସହରରେ ବିଶ୍ୱର ସବୁଠାରୁ ବଡ଼ ଟ୍ରି-ହାଉସ୍‌ ବା ଗଛ ଉପରେ ଘର ରହିଛି। ଏହାକୁ ୬ଟି ଗଛରେ ତିଆରି କରାଯାଇଛି। ୧୦୦ ଫୁଟ୍‌ ଉଚ୍ଚ ଏ ଟ୍ରି-ହାଉସ୍‌ ଗୋଟିଏ ୧୦ ମହଲା ଘର ଭଳି ହେବ। ଏ ଘରକୁ ତିଆରି କରିବା ପାଇଁ ପାଖାପାଖି ୧୪ ବର୍ଷ ସମୟ ଲାଗିଥିଲା। ଏ ଘରେ ଗୋଟିଏ ବାଲ୍‌କୋନି, ଛୋଟ ବାସ୍କେଟ୍‌ବଲ୍‌ କୋର୍ଟ ରହିଛି। ଏଥିରେ ଅସାଧାରଣ ଶିଢ଼ି ଅଛି ଯାହା ସାପ ଭଳି ଆକାରରେ ତିଆରି ହୋଇଛି। ଏଥିରେ ଗୋଟିଏ ସ୍ପେସିଆଲ୍‌ ପେଣ୍ଟ୍‌ ହାଉସ୍‌ ବି ରହିଛି।

photo-mymodernnet.com

୮୦ଟି କୋଠରୀ ଥିବା ଏ ଘରେ ଗୋଟିଏ ଚର୍ଚ୍ଚ ଓ ବେଲ୍‌ ଟାଓ୍ଵାର୍‌ ମଧ୍ୟ ରହିଛି। ଏ ଟ୍ରି-ହାଉସ୍‌ କୌଣସି ସାଧାରଣ ମଣିଷର ନୁହେଁ। ଏହା ହେଉଛି ଜଣେ ମନ୍ତ୍ରୀଙ୍କ ଘର। ତାଙ୍କ ନାମ ହୋରାସ୍‌ ବର୍ଗିସ୍‌। ଏଥିପାଇଁ ସେ ପାଖାପାଖି ୮ କୋଟି ଟଙ୍କା ଖର୍ଚ୍ଚ କରିଛନ୍ତି। ସେ କହିଛନ୍ତି ଏ ଟ୍ରି-ହାଉସ୍‌କୁ ତିଆରି କରିବା ପାଇଁ ତାଙ୍କୁ ଭଗବାନ ଆଦେଶ ଦେଇଥିଲେ। ଏ ଟ୍ରି-ହାଉସ୍‌ ପାଖାପାଖି ୨ ଲକ୍ଷ ଅଙ୍ଗାରକାମ୍ଳ ଗ୍ରହଣ କରିଥାଏ। ଯାହା ସହରର ହେଉଥିବା ପ୍ରଦୂଷଣକୁ କମ୍‌ କରିଥାଏ ବୋଲି ସେ ପ୍ରକାଶ କରିଛନ୍ତି।