ପୃଥିବୀର ଦୀର୍ଘତମ ବିମାନ ଯାତ୍ରା: ଆକାଶରେ କଟେ ୧୯ ଘଣ୍ଟା, ଦୀର୍ଘ ସମୟ ଯାତ୍ରା କରୁଥିବା ବିମାନରେ କ’ଣ ସବୁ ସୁବିଧା ରହିଥାଏ

0

୧୧ ଅକ୍ଟୋବର ୨୦୧୮ରେ ସିଙ୍ଗାପୁରରୁ ନ୍ୟୁୟର୍କ୍‌ ଉଡ଼ାଣ ପାଇଁ ଲାଗିଥିଲା ୧୯ ଘଣ୍ଟା। ୧୬,୭୦୦ କି.ମି. ଦୂରତାକୁ ୧୯ ଘଣ୍ଟା ସମୟରେ ପୂରଣ କରାଯାଇଥିଲା। ଏହି ବିମାନରେ ଯାତ୍ରୀମାନଙ୍କ ମନୋରଞ୍ଜନ ପାଇଁ ବିଶେଷ ସୁବିଧା ରହିଥିବା ସହ ୭ ସପ୍ତାହ ପାଇଁ ଚଳଚ୍ଚିତ୍ର ଓ ଟେଲିଭିଜନ୍‌ ସୁବିଧା ରହିଛି। ଜାଣନ୍ତୁ, ଦୁନିଆର କେଉଁ କେଉଁ ସ୍ଥାନରୁ କେଉଁ ସ୍ଥାନକୁ ଅଧିକ ସମୟ ଧରି ବିମାନ ଯାତ୍ରା କରିଥାଏ ଓ କ’ଣ ବିଶେଷତ୍ୱ ରହିଥାଏ ସମସ୍ତ ବିମାନର।

 

ଦୁନିଆର ଦୀର୍ଘତମ ବିମାନ ଯାତ୍ରା

କେତେ ଜଣ ଯାତ୍ରା କରିପାରିବେ
ଏୟାର୍‌ବସ୍‌ ‘ଏ ୩୫୦-୯୦୦ୟୁଆର୍‌ଏଲ୍‌’ରେ ୧୬୧ ଜଣ ଯାତ୍ରା କରିପାରିବେ।

ଇକୋନୋମି କ୍ଲାସ୍‌ ନାହିଁ
୬୭ ଜଣ ବିଜ୍‌ଜେସ୍‌ କ୍ଲାସ୍‌ ବା ବାଣିଜ୍ୟ ଶ୍ରେଣୀ ଓ ୯୪ ଜଣ ପ୍ରିମିୟମ୍‌ ଇକୋନୋମିରେ ଯାତ୍ରା କରିପାରିବେ। ଏଠାରେ ସାଧାରଣ ଇକୋନୋମି ଶ୍ରେଣୀର ସିଟ୍‌ ନାହିଁ।

ମନୋରଞ୍ଜନ
ବିମାନରେ ପ୍ରାୟ ୧,୨୦୦ ଘଣ୍ଟା ସମୟର ଅଡିଓ-ଭିଜୁଆଲ୍‌ ମନୋରଞ୍ଜନ ପାଇଁ ସାମଗ୍ରୀ ଉପଲବ୍ଧ ରହିଛି।

ଡେକୋର୍‌
ସାଧାରଣ ବିମାନ ଅପେକ୍ଷା ଏହି ବିମାନ ଭିତରର ଛାତ ଉଚ୍ଚ ରହିଥାଏ, ଝରକା ମଧ୍ୟ ବଡ଼ ହୋଇଥାଏ । ଏହା ସହ ଅଧିକ ସମୟର ବିମାନ ଯାତ୍ରାରେ ହେଉଥିବା ଶାରୀରିକ ସମସ୍ୟା ନ ହେବା ପାଇଁ ସ୍ୱତନ୍ତ୍ର ଲାଇଟିଂ ଡିଜାଇନ୍‌ କରାଯାଇଛି।

 

ଦୀର୍ଘତମ ସମୟ ଯାତ୍ରା କରୁଥିବା ବିମାନ
ସିଙ୍ଗାପୁର – ନ୍ୟୁୟର୍କ୍‌ – ୧୮ ଘଣ୍ଟା ୪୫ ମିନିଟ୍‌
ଅକ୍‌ଲ୍ୟାଣ୍ଡ୍‌ – ଦୋହା – ୧୭ ଘଣ୍ଟା ୪୦ ମିନିଟ୍‌
ହୋଷ୍ଟନ୍‌ – ସିଡ୍‌ନୀ – ୧୭ ଘଣ୍ଟା ୩୦ ମିନିଟ୍‌
ପର୍ଥ୍‌ – ଲଣ୍ଡନ୍‌ – ୧୭ ଘଣ୍ଟା ୨୦ ମିନିଟ୍‌
ଲସ୍‌ଆଞ୍ଜେଲେସ୍‌ – ସିଙ୍ଗାପୁର – ୧୭ ଘଣ୍ଟା ୨୦ ମିନିଟ୍‌
ଅକଲ୍ୟାଣ୍ଡ୍‌ – ଦୁବାଇ – ୧୭ ଘଣ୍ଟା ୨୦ ମିନିଟ୍‌
ଜୋହାନସ୍‌ବର୍ଗ୍‌ – ଆଟ୍‌ଲାଣ୍ଟା – ୧୬ ଘଣ୍ଟା ୫୦ ମିନିଟ୍‌

ସମ୍ବନ୍ଧିତ ଖବର