୭୦ବର୍ଷ ବୟସରେ ମା’ ହୋଇ ସୃଷ୍ଟି କରିଥିଲେ ବିଶ୍ୱ ରେକର୍ଡ, ଜାଣନ୍ତୁ ରଜୋ ଦେବୀଙ୍କ ପୂରା କାହାଣୀ
ହିସାର: ବିବାହ ପରେ ସବୁ ନାରୀମାନେ ମା’ ହେବାର ସ୍ୱପ୍ନ ଦେଖିଥାନ୍ତି । ମା’ହେବାରେ ଗୋଟେ ନାରୀ ସମ୍ପୁର୍ଣ୍ଣ ହୁଏ ବୋଲି କୁହାଯାଉଥିବା ବେଳେ ପିଲା ଜନ୍ମ କରି ନ ପାରିଲେ ମହିଳାଙ୍କୁ ଅନେକ ଯାତନା ସହିବାକୁ ପଡ଼ିଥାଏ । ଠିକ୍ ସେଭଳି ଘଟିଥିଲା ହରିୟାଣାର ହିସାରରେ ରହୁଥିବା ରଜୋ ଦେବୀ ଲୋହାନଙ୍କ ସହ । ବିବାହ ପରେ ସେ ମା’ ହୋଇ ପାରି ନଥିଲେ । ବିବାହର ୫୫ବର୍ଷ ପର୍ଯ୍ୟନ୍ତ ସେ ମା’ ହୋଇ ପାରିନଥିବାରୁ ତାଙ୍କ ମନରେ ଏକ ଅବସୋସ ରହି ଯାଇଥିଲା । କିନ୍ତୁ ୭୦ବର୍ଷ ବୟସରେ ନଭେମ୍ବର ୨୮,୨୦୦୮ରେ ସେ ମା’ ହେବାର ସୌଭାଗ୍ୟ ଅର୍ଜନ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ନଭେମ୍ବର ୨୮,୨୦୧୮କୁ ରଜୋ ଦେବୀଙ୍କ ଝିଅ ୧୦ବର୍ଷର ହେବାକୁ ଯାଉଥିବା ବେଳେ ତାଙ୍କ କାହାଣୀ ଏବେ ଚର୍ଚ୍ଚାର ବିଷୟ ପାଲଟିଛି । ୭୦ବର୍ଷ ବୟସରେ ସେ ମା’ ହୋଇ ଦୁନିଆରୁ ସବୁଠାରୁ ଅଧିକ ବୟସ୍କ ମା’ ହେବାରେ ବିଶ୍ୱ ରେକର୍ଡ଼ ସୃଷ୍ଟି କରିଥିଲେ । ରଜୋ ଦେବୀଙ୍କ କହିବା ଅନୁଯାୟୀ, ୭୦ବର୍ଷ ବୟସରେ ମା’ ହେବା ସହଜ ନଥିଲା । ପ୍ରସବ ପରେ ମୁଁ ଦୁର୍ବଳ ହୋଇ ଯାଇଥିଲି । କିନ୍ତୁ ଏବେ ମୁଁ ଏବଂ ମୋ ଝିଅ ଦୁହେଁ ସୁସ୍ଥ ଅଛୁ । ତା’ର ବିବାହ ପର୍ଯ୍ୟନ୍ତ ମୁଁ ସୁସ୍ଥ ରୁହେ ଏହା ହିଁ ମୋର ଆଶା ।
ସୂଚନା ମୁତାବକ, ମା’ ହେବାର ଇଚ୍ଛା ପାଇଁ ରଜୋ ଦେବୀ ଆଇଭିଏଫ୍ ଉପାୟ ଆପଣାଇଥିଲେ । ଏହି ଉପାୟ ମାଧ୍ୟମରେ ମା’ ହୋଇ ପାରୁ ନଥିବା ମହିଳାମାନେ ଆଜି ମା’ ହେବାର ସୌଭାଗ୍ୟ ଅର୍ଜନ କରି ପାରୁଛନ୍ତି ।