ନୂଆଦିଲ୍ଲୀ: ଆମେ ପ୍ରତିଦିନ ଯିବା ଆସିବା ବାଟରେ ଅନେକ ଭିକାରିଙ୍କୁ ଭିକ ମାଗୁଥିବା ଦେଖିବାକୁ ପାଇଥାଉ।  ଏଥିମଧ୍ୟରୁ ଏମିତ କିଛି ଭିକାରି ଅଛନ୍ତି ଯେଉଁମାନଙ୍କ ବୟସ ୭୦ବର୍ଷରୁ ଅଧିକ ରହିଛି। ଠିକ ଭାବେ ବସି ଉଠି ଚାଲିବି ପାରନ୍ତି ନାହିଁ, ତଥାପି ପରିବାରର କିଛି ସମସ୍ୟା ପାଇଁ ଭିକ ମାଗି ନିଜର ପେଟ ପୋଷିବା ପାଇଁ ବାଧ୍ୟ ହୋଇଥାଆନ୍ତି। 

Advertisment

ଏମିତି ଜଣେ ବୃଦ୍ଧା ଭିକାରିଙ୍କୁ ନେଇ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଯେଉଁଥିରେ ବୃଦ୍ଧା ଭିକାରି ଜଣକ ରାସ୍ତାପାର୍ଶ୍ବରେ  ଛିଡ଼ା ହୋଇ ଭିକ ମାଗୁଛନ୍ତି କିନ୍ତୁ ତାଙ୍କୁ କେହି ହେଲେ ଟଙ୍କାଟିଏ ବି ଦେଉ ନାହାନ୍ତି। ଏଭଳି ସମୟରେ ଜଣେ ଯୁବକ ବୃଦ୍ଧାଙ୍କ ଦୁଃଖ ସହି ପାରି ନଥିଲେ। ସେ ତାଙ୍କୁ ସାହାଯ୍ୟ ପାଇଁ ଆଗେଇ ଆସିଥିଲେ। କିନ୍ତୁ କ’ଣ କେମିତି କରି ବୃଦ୍ଧାଙ୍କୁ ସାହାଯ୍ୟ କରିବେ ଏପରି ଚିନ୍ତା କରୁଥିବା ବେଳେ ସିନେମାରେ ଦେଖିବାକୁ ମିଳୁଥିବା ଦୃଶ୍ୟ ଭଳି ସେ ହଠାତ ରାସ୍ତାରେ ନୃତ୍ୟ କରିବା ଆରମ୍ଭ କରି ଦେଇଥିଲେ। 

ନୃତ୍ୟ ଶେଷ ପରେ ଘଟଣାସ୍ଥଳରେ ଉପସ୍ଥିତ ଥିବା ଲୋକମାନଙ୍କୁ ସେ କିଛି ସାହାଯ୍ୟ ପାଇଁ ଅନୁରୋଧ କରିଥିଲେ। ଏହାପେର ଲୋକମାନେ ନିଜନିଜ ସାମର୍ଥ୍ୟ ଅନୁଯାୟୀ ଟଙ୍କା ଦେବା ଆରମ୍ଭ କରିଥିଲେ। ଏହି ଟଙ୍କାକୁ ଯୁବକ ଜଣକ ଏକାଠି କରି ବସ୍ତ୍ର ଓ କିଛି ଫଳମୂଳ କିଣି  ବୃଦ୍ଧାଙ୍କ ହାତରେ ଧରାଇ ଦେଇଥିଲେ। ଯୁବକଙ୍କ ଏଭଳି କାମ ଦେଖି ବୃଦ୍ଧା ଜଣକ ଆଶୀର୍ବାଦ କରିଥିଲେ। ବୃଦ୍ଧାଙ୍କ ଠାରୁ ଆଶୀର୍ବାଦ ପାଇବା ପରେ ଯୁବକ ଜଣକ ସେଠାରୁ ଚାଲି ଆସିଥିଲେ। 

ଏହି ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାପରେ ଲୋକମାନେ ଭିଡିଓକୁ ଖୁବ ପସନ୍ଦ କରୁଥିବା ବେଳେ ନିଜନିଜ ଆକାଉଣ୍ଟରେ ସେୟାର କରି ଭିଡିଓରେ ବୃଦ୍ଧାଙ୍କୁ ସାହାଯ୍ୟ କରିଥିବା ଯୁବକଙ୍କ ଭୁରିଭୁରି ପ୍ରଶଂସା କରୁଛନ୍ତି।

ଅଧିକପଢ଼ନ୍ତୁ:ପୂର୍ବରୁ ରାସ୍ତା କଡ଼ରୁ କିଣୁଥିଲି, ଆଜି ମଧ୍ୟ କିଣିଲି: ମୁଖ୍ୟମନ୍ତ୍ରୀ