କଳାହାଣ୍ତି କପ୍ ସୁପରଲିଗ୍: ବିପ୍ଳବଙ୍କ ଶତକ, ରଶ୍ମିଙ୍କୁ ୭ ଵିକେଟ୍
କଟକ: କଳାହାଣ୍ତି କପ୍ ଦୁଇଦିନିଆ ସୁପରଲିଗ୍ ପର୍ଯ୍ୟାୟରେ ଗୁରୁବାର ଶେଷ ହୋଇଥିବା ମ୍ୟାଚ୍ଗୁଡ଼ିକରେ ଖୋର୍ଦ୍ଧା, ଓଡ଼ିଶା ଗ୍ରିନ୍, ଓଡ଼ିଶା ବ୍ଲୁ, କଟକ ଏ’ ବିଜୟୀ ହୋଇଛନ୍ତି। ସନସାଇନ୍ ପଡ଼ିଆରେ ଖୋର୍ଦ୍ଧା ୨୪ ରନ୍ରେ ଇକୋର୍ସାକୁ ପରାସ୍ତ କରିଛି। ପ୍ରଥମ ଦିନରେ ଖୋର୍ଦ୍ଧା ସ˚ଗ୍ରହ କରିଥିବା ୨୮୬ ରନ୍କୁ ପିଛା କରିବାକୁ ଯାଇ ଇକୋର୍ସା ୬୮.୫ ଓଭରରେ ସମସ୍ତ ଵିକେଟ୍ ହରାଇ ୨୬୨ ରନ୍ କରିପାରିଥିଲା। ପ୍ରାରମ୍ଭିକ ଖେଳାଳି କାମେଶ୍ବର ବାରିକ ୭୬* ରନ୍ କରି ଅପରାଜିତ ରହିଥିଲେ। ବିଜୟୀ ଦଳ ପକ୍ଷରୁ ସୁମିତ ମହାରଣା ୫ ଵିକେଟ ସଫଳତା ପାଇଥିଲା ବେଳେ ଜ୍ୟୋତି ବେହେରା ୩, ମୃତ୍ୟୁଞ୍ଜୟ ମାନସି˚ହ ୨ ଵିକେଟ ଅକ୍ତିଆର କରିଥିଲେ।
Sambad is now on WhatsApp
Join and get latest news updates delivered to you via WhatsApp
ନିମପୁର ପଡ଼ିଆରେ ଓଡ଼ିଶା ଗ୍ରିନ୍ ୭୨ ରନ୍ରେ ସୁନ୍ଦରଗଡ଼କୁ ହରାଇଛି। ଗ୍ରିନ୍ର ୨୪୩ ରନ୍ ଜବାବରେ ସୁନ୍ଦରଗଡ଼ ୧୭୧ ରନ୍ରେ ସମସ୍ତ ୱିକେଟ୍ ହରାଇଥିଲା। ପ୍ରଥମ ଦିନ ସ୍କୋର୍ ୨/୪୮ରୁ ଖେଳିଥିବା ସୁନ୍ଦରଗଡ଼ ପକ୍ଷରୁ ଦ୍ବିତୀୟ ଦିନ ଅଙ୍କିତ ମୁଣ୍ତା ୫୫, ସ˚ଜୟ ଦାସ ୩୯* ରନ୍ର ସ˚ଘର୍ଷପୂର୍ଣ୍ଣ ପାଳି ଖେଳିଥିଲେ ମଧ୍ୟ ଦଳ ପରାଜୟ ପଟରେ ରହିଥିଲା। ବିଜୟୀ ଦଳର ରଶ୍ମିର˚ଜନ ସାହୁ ୨୦.୫ ଓଭର ବୋଲି˚ କରି ୯ ମେଡେନ ଓ ୫୩ ରନ୍ ବିନିମୟରେ ୭ ଵିକେଟ ଅକ୍ତିଆର କରିଥିଲେ।
ବିଡ଼ାନାସୀ ପଡ଼ିଆରେ ଓଡ଼ିଶା ବ୍ଲୁ ୨୧୦ ରନ୍ରେ ଓଡ଼ିଶା ୟେଲୋକୁ ପରାସ୍ତ କରିଛି। ଓଡ଼ିଶା ବ୍ଲୁ’ର ବିଶାଳ ସ୍କୋର ୪୩୫/୯କୁ ପିଛା କରିବାକୁ ଯାଇ ଓଡ଼ିଶା ୟେଲୋ ଦ୍ବିତୀୟ ଦିନରେ ୨୨୫ ରନ୍ରେ ସୀମିତ ରହିଥିଲା। ରାକେଶ ଗୋଚ୍ଛାୟତ ୭୯, ସୁବ୍ରତ ସାମଲ ୪୦, ଦେବାଶିଷ ସାମନ୍ତରାୟ ୩୯ ରନ୍ ସ˚ଗ୍ରହ କରିଥିଲା ବେଳେ ବ୍ଲୁ’ ପକ୍ଷରୁ ବସନ୍ତ ମହାନ୍ତି ୪, ସୌରଭ କାନୋଜିଆ ୩, ନିଲୁ ପ୍ରଧାନ ୨ ଵିକେଟ୍ ନେଇଥିଲେ। ଏସ୍ସିବି ମେଡିକାଲ ପଡ଼ିଆରେ କଟକ ଏ’ ପ୍ରଥମ ପାଳି ଅଗ୍ରଣୀ ଭିତ୍ତିରେ ଓଡ଼ିଶା ଭାଓଲେଟ୍କୁ ପରାସ୍ତ କରିଛି। ପ୍ରଥମ ଦିନରେ ଓଡ଼ିଶା ଭାଓଲେଟ୍ ୨୦ ୯ରନ୍ ସ˚ଗ୍ରହ କରିଥିଲା ବେଳେ କଟକ ଏ’ ୩ ଵିକେଟ ବିନିମୟରେ ୪୩ ରନ୍ କରିଥିଲା। ଦ୍ବିତୀୟ ଦିନରେ ବିପ୍ଳବ ସାମନ୍ତରାୟଙ୍କ ଅପରାଜିତ ୧୧୫ ରନ୍ (୨୫୨ ବଲ୍, ୧୬ ଚୌକା), ରାମଚନ୍ଦ୍ର ବେହେରାଙ୍କ ୫୩ ରନ୍ ସହାୟତାରେ ଖେଳ ଶେଷ ହେବା ବେଳକୁ କଟକ ୯ ଵିକେଟ୍ ହରାଇ ୨୩୮ ରନ୍ କରିଥିଲା। ଆଦିତ୍ୟ ବାସା ୫ ଵିକେଟ୍ ପାଇଥିଲେ।