କାନାଡାରେ ରୌପ୍ୟ ଜିତିଲେ ପ୍ରମୋଦ
ଭୁବନେଶ୍ବର: କାନାଡାର ଓଟାୱା ସହରରେ ଆୟୋଜିତ କାନାଡା ପାରା ବ୍ୟାଡମିଣ୍ଟନ୍ ପ୍ରତିଯୋଗିତାରେ ଓଡ଼ିଆ ତାରକା ତଥା ଟୋକିଓ ଅଲିମ୍ପିକ୍ସ ସ୍ବର୍ଣ୍ଣ ପଦକ ବିଜୟୀ ପ୍ରମୋଦ ଭଗତ ରୌପ୍ୟ ପଦକ କରାୟତ୍ତ କରିଛନ୍ତି। ଏସ୍ଏଲ୍-୩ ବର୍ଗର ପୁରୁଷ ଏକକ ଫାଇନାଲ୍ରେ ସେ ୧୪-୨୧, ୨୧-୦୯, ୧୫-୨୧ରେ ଅଲିମ୍ପିକ୍ ରୌପ୍ୟ ବିଜେତା ଇଂଲଣ୍ଡର ଡାନିଏଲ ବେଥେଲଙ୍କଠୁ ହାରି ଯାଇଥିଲେ। ଚଳିତ ବର୍ଷ ଉଭୟଙ୍କ ମଧ୍ୟରେ ଦୁଇ ଥର ମୁକାବିଲା ହୋଇଥିଲା ବେଳେ ୨ ଥର ଯାକ ବେଥେଲ ବିଜୟୀ ହୋଇ ପ୍ରମୋଦଙ୍କଠୁ ଅଲିମ୍ପିକ୍ ପରାଜୟର ମଧୁର ପ୍ରତିଶୋଧ ନେଇ ଚାଲିଛନ୍ତି।