ପ୍ରଥମ ଟେଷ୍ଟ : ଇଂଲଣ୍ଡ ୧୮୩ରେ ଅଲଆଉଟ୍
ଟେଣ୍ଟ ବ୍ରିଜ୍ : ଇଂଲଣ୍ଡର ନଟିଂହାମଠାରେ ଚାଲିଥିବା ପ୍ରଥମ ଟେଷ୍ଟରେ ଇଂଲଣ୍ଡ ନିଜର ପ୍ରଥମ ଇନିଂସରେ ବ୍ୟାଟିଂ ବିପର୍ୟ୍ୟୟର ସମ୍ମୁଖୀନ ହୋଇଛି । ଦଳ ପ୍ରଥମ ଇନିଂସରେ ମାତ୍ର ୧୮୩ ରନରେ ଅଲଆଉଟ୍ ହୋଇଯାଇଛି ।
Sambad is now on WhatsApp
Join and get latest news updates delivered to you via WhatsApp
ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ଗ୍ରହଣ କରିଥିବା ଇଂଲଣ୍ଡ ଦଳ ଇନିଂସ ଆରମ୍ଭରୁ ଓପନର ରୋରି ବର୍ନସଙ୍କୁ ହରାଇଥିଲା । କିନ୍ତୁ ଦଳର ମଧ୍ୟକ୍ରମ ବ୍ୟାଟ୍ସମ୍ୟାନମାନେ ଲଢୁଆ ବ୍ୟାଟିଂର ପ୍ରଦର୍ଶନ କରି ଦଳକୁ ବିପଦମୁକ୍ତ କରିଥିଲେ । ବିଶେଷକରି ଅଧିନାୟକ ଜୋ ରୁଟ୍ ସର୍ବାଧିକ ୬୪ ରନର ଇନିଂସ ଖେଳିଥିଲେ । ତେବେ ଚାପାନ ବିରତି ପରେ ଦଳ ପାଇଁ ପୁଣି ବିପଦ ମାଡ଼ିଆସିଥିଲା । ନିମ୍ନ ମଧ୍ୟକ୍ରମ ଓ ନିମ୍ନକ୍ରମ ବ୍ୟାଟ୍ସମ୍ୟାନମାନଙ୍କ ବିଫଳତା ଯୋଗୁଁ ଦଳ ମାତ୍ର ୧୮୩ ରନ କରି ଅଲଆଉଟ ହୋଇଯାଇଥିଲା ।
ଭାରତ ପକ୍ଷରୁ ପେସର ଯଶପ୍ରୀତ ବୁମରା ୪ଟି ଓ ମହମ୍ମଦ ସମୀ ୩ଟି ଓ୍ବିକେଟ୍ ନେଇଥିଲେ । ଶାର୍ଦ୍ଦୁଲ ଠାକୁର ୨ଟି ଓ ମହମ୍ମଦ ସିରାଜ ଗୋଟିଏ ଓ୍ବିକେଟ୍ ନେଇଥିଲେ ।