ମୁମ୍ବାଇ ଇଣ୍ଡିଆନ୍ସକୁ ୩ ରନରେ ପରାସ୍ତ କଲା ସନରାଇଜର୍ସ ହାଇଦ୍ରାବାଦ
ମୁମ୍ବାଇ : ମୁମ୍ବାଇର ଓ୍ବାଙ୍ଖଡ଼େ ଷ୍ଟାଡିୟମଠାରେ ଖେଳାଯ଼ାଉଥିବା ଆଇପିଏଲ ୨୦୨୨ର ୬୪ ତମ ମ୍ୟାଚରେ ମୁମ୍ବାଇ ଇଣ୍ଡିଆନ୍ସକୁ ୩ ରନରେ ପରାସ୍ତ କରିଛି ସନରାଇଜର୍ସ ହାଇଦ୍ରାବାଦ। ପ୍ରଥମେ ବ୍ୟାଟିଂ କରି ସନରାଜର୍ସ ହାଇଦ୍ରାବାଦ ୧୯୩ ରନ ସଂଗ୍ରହ କରିଥିଲା। ଜବାବରେ ମୁମ୍ବାଇ ଇଣ୍ଡିଆନ୍ସ ୭ ୱିକେଟ ବିନିମୟରେ ୧୯୦ ରନ କରି ପରାସ୍ତ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଏହି ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରିଥିବା ହାଇଦ୍ରାବାଦ ଇନିଂସ ଆରମ୍ଭରୁ ଅଭିଷେକ ଶର୍ମାଙ୍କ ଓ୍ବିକେଟ ହରାଇଥିଲେ ବି ପ୍ରିୟମ ଗର୍ଗ ଓ ରାହୁଲ ତ୍ରିପାଠୀ ଲଢୁଆ ବ୍ୟାଟିଂ କରି ଦଳକୁ ଏକ ମଜବୁତ ଆରମ୍ଭ ଦେଇଥିଲେ । ପ୍ରିୟମ ଗର୍ଗ ୪୨ରନରେ ଆଉଟ ହେବା ପରେ ବି ରାହୁଲ ନିଜର ବିସ୍ଫୋରକ ବ୍ୟାଟିଂ ଜାରି ରଖିଥିଲେ । ସେ ମାତ୍ର ୪୪ଟି ବଲରୁ ୩ ଛକା ୯ ଚୌକା ସହାୟତାରେ ୭୬ ରନ କରିଥିଲେ । ନିକୋଲାସ ପୁରନ ୩୮ ରନ କରିଥିଲେ । ତେବେ ଶେଷ କିଛି ଓଭର ବେଳକୁ ଦଳୀୟ ସ୍କୋର ଧିମେଇ ଯାଇଥିଲା । ଫଳରେ ଦଳ ନିର୍ଦ୍ଧାରିତ ୨୦ ଓଭରରେ ୫ ଓ୍ବିକେଟ ହରାଇ ୧୯୩ ରନ କରିଥିଲା ।
ମୁମ୍ବାଇ ପକ୍ଷରୁ ରମଣଦୀପ ସିଂ ୩ଟି ଓ୍ବିକେଟ ନେଇଥିବାବେଳେ ଡାନିଏଲ ସାମ୍ସ ଓ ରିଲେ ମେରେଡିଥ୍ ଗୋଟିଏ ଲେଖାଏଁ ଓ୍ବିକେଟ ନେଇଥିଲେ ।
୧୯୪ ରନର ଲକ୍ଷ ପିଛା କରି ମୁମ୍ବାଇ ଇଣ୍ଡଆନ୍ସ ବ୍ୟାଟିଂ ଆରମ୍ଭ କରିଥିଲା। ପ୍ରାରମ୍ଭରେ କ୍ୟାପଟେନ ରୋହିତ ଶର୍ମା ଓ ଇସାନ କିଷାନ ଭଲ ବ୍ୟାଟିଂ କରିଥିଲେ। ରୋହିତ ଶର୍ମା ୩୬ ବଲରେ ୨ ଚୌକା ଓ ୪ ଛକା ସହାୟତାରେ ୪୮ ରନ କରିଥିବାବେଳେ ଇଷାନ କିଷାନ ୩୪ ବଲ ଖେଳି ୪୩ ରନ କରିଥିଲେ। ସେ ୫ ଚୌକା ଓ ଗୋଟିଏ ଛକା ମାରିଥିଲେ। ଟିମ ଡାଭିଡ ୧୮ ବଲରେ ୪୬ ରନ କରି ନଟଆଉଟ ରହିଥିଲେ। ସେ ୩ ଚୌକା ଓ ୪ ଛକା ମାରିଥିଲେ। ବାସ୍! ଆଉ କୌଣସି ବ୍ୟାଟର ଭଲ ବ୍ୟାଟିଂ କରିପାରିନଥିଲେ। ଦଳ ନିର୍ଦ୍ଧାରିତ ଓଭର ଖେଳି ୧୯୦ ରନ କରିବାକୁ ସକ୍ଷମ ହୋଇଥିଲା। ସନରାଜର୍ସ ହାଇଦ୍ରାବାଦ ପକ୍ଷରୁ ଉମ୍ରାନ ମଲ୍ଲିକ ୩ଟି ୱିକେଟ ନେଇଥିବାବେଳେ ୱାସିଂଟନ ସୁନ୍ଦର ଓ ଭୁବନେଶ୍ବର କୁମାର ଗୋଟିଏ ଲେଖାଏଁ ୱିକେଟ ନେଇଥିଲେ।