ଆଇପିଏଲ୍: ମୁମ୍ବାଇ ଇଣ୍ଡିଆନ୍ସକୁ ୧୧୫ ରନ୍ର ବିଜୟ ଲକ୍ଷ୍ୟ ଦେଲା ଚେନ୍ନାଇ ସୁପର କିଙ୍ଗସ୍
ସାରଜା: ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍)ର ତ୍ରୟୋଦଶ ସଂସ୍କରଣର ୪୧ତମ ମ୍ୟାଚ୍ରେ ଶକ୍ତିଶାଳୀ ଚେନ୍ନାଇ ସୁପର କିଙ୍ଗସ୍ ଶୁକ୍ରବାର ମୁମ୍ବାଇ ଇଣ୍ଡିଆନ୍ସକୁ ୧୧୫ ରନ୍ର ବିଜୟ ଲକ୍ଷ୍ୟ ଦେଇଛି। ସାରଜା କ୍ରିକେଟ୍ ଷ୍ଟାଡିୟମରେ ଶୁକ୍ରବାର ଖେଳାଯାଉଥିବା ଏହି ମ୍ୟାଚ୍ରେ ଚେନ୍ନାଇ ଟିମ୍ ଆରମ୍ଭରୁ ବିପର୍ଯ୍ୟୟର ସମ୍ମୁଖୀନ ହୋଇଥିଲା। ମୁମ୍ବାଇ ଇଣ୍ଡିଆନ୍ସର ଦମ୍ଦାର ବୋଲିଂ ଯୋଗୁଁ ଚେନ୍ନାଇ ୨୦ ଓଭରରେ ୯ଟି ଓ୍ଵିକେଟ୍ ହରାଇ ୧୧୪ ରନ୍ରେ ଅଟକି ଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ଟସ୍ ଜିଣି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା ମୁମ୍ବାଇ ଇଣ୍ଡିଆନ୍ସ। ତେବେ ମୁମ୍ବାଇର ଭଲ ବୋଲିଂ ରଣନୀତି ଯୋଗୁଁ ଚେନ୍ନାଇ ମାତ୍ର୨.୫ ଓଭରରେ ୩ ରନ୍ ସଂଗ୍ରହ କରି ୪ଟି ମୂଲ୍ୟବାନ ଓ୍ଵିକେଟ୍ (ଋତୁରାଜ ଗାୟକଓ୍ଵାଡ, ଅମ୍ବାତି ରାୟଡୁ, ଏନ୍ ଜଗଦୀଶନ ଓ ଫାଫ୍ ଡୁ ପ୍ଲେସିସ୍) ହରାଇଥିଲା। ଦଳୀୟ ସ୍କୋର ୨୧ ରନ୍ ଥିବା ବେଳେ ଅଲରାଉଣ୍ଡର ରବୀନ୍ଦ୍ର ଜାଦେଜା ଓ ୩୦ ରନ୍ ଥିବା ବେଳେ ଅଧିନାୟକ ମହେନ୍ଦ୍ର ସିଂହ ଧୋନି ଆଉଟ୍ ହୋଇ ପାଭଲିଅନ୍ ଫେରିଥିଲେ। ଚେନ୍ନାଇ ୪୩ ରନ୍ରେ ଦୀପକ ଚହର, ୭୧ ରନ୍ରେ ଶାର୍ଦ୍ଦୁଲ ଠାକୁର ଓ ୧୧୪ ରନ୍ରେ ସାମ୍ କୁରାନଙ୍କୁ ହରାଇଥିଲା।
Innings Break:
Sam Curran has once again rescued #CSK from a precarious position and ensured they do not get bowled out. Trent Boult takes 4/18.#CSK have posted 114-9.
Live – https://t.co/I1MQgUNDBr #Dream11IPL pic.twitter.com/DhzviVeWsj
— IndianPremierLeague (@IPL) October 23, 2020
ଚେନ୍ନାଇ ପାଇଁ ସାମ୍ କୁରାନ ସର୍ବାଧିକ ୫୨ ରନ୍ କରିଥିଲେ। ସେ ୪୭ଟି ବଲ୍ ଖେଳି ୪ଟି ଚୌକା ଓ ୨ଟି ଛକା ବଳରେ ଏହି ରନ୍ ସଂଗ୍ରହ କରିଥିଲେ। ଅଧିନାୟକ ମହେନ୍ଦ୍ର ସିଂହ ଧୋନିଙ୍କ ବ୍ୟାଟ୍ରୁ ୧୬ ରନ୍ ମିଳିଥିବା ବେଳେ ଇମରାନ ତାହିର ୧୩ ରନ୍ ଯୋଡ଼ି ଅପରାଜିତ ଫେରିଥିଲେ। ଶାର୍ଦ୍ଦୁଲ ଠାକୁର ୧୧ ରନ୍ କରିଥିଲେ।
ମୁମ୍ବାଇ ଇଣ୍ଡିଆନ୍ସର ଟ୍ରେଣ୍ଟ୍ ବୋଲ୍ଟ ୪ଟି ଓ୍ଵିକେଟ ନେଇଥିଲେ। ସେହିପରି କ୍ରୁଣାଳ ପାଣ୍ଡ୍ୟା ଓ ରାହୁଲ ଚାହରଙ୍କୁ ୨-୨ଟି ଓ୍ଵିକେଟ ମିଳିଥିବା ବେଳେ ନାଥାନ କଲ୍ଟର ନାଇଲ୍ ନେଇଥିଲେ ଗୋଟିଏ ଓ୍ଵିକେଟ୍।