୧୭ ହଜାରର ଟିକେଟ, ଦେଢ଼ ଲକ୍ଷରେ ବିକ୍ରି
ଲଣ୍ଡନ: ବିଶ୍ବକପ୍ ଟିକେଟ କଳାବଜାରି ଚରମ ସୀମାରେ ପହଞ୍ଚିଛି। ବିଶେଷ କରି ଭାରତୀୟ ଦଳ ଖେଳୁଥିବା ମ୍ୟାଚ୍ର ଟିକେଟ ଦର ଏବେ ଆକାଶ ଛୁଆଁ ରହିଛି। ଜୁନ୍ ୩୦ ତାରିଖରେ ଏଜବାଷ୍ଟନଠାରେ ଖେଳାଯିବାକୁ ଥିବା ଭାରତ-ଇଂଲଣ୍ଡ ମ୍ୟାଚ୍ର ପ୍ଲାଟିନମ୍ ବର୍ଗ ଟିକେଟ ଦର ଆଇସିସି ୨୩୫ ପାଉଣ୍ଡ ବା ଭାରତୀୟ ମୁଦ୍ରାରେ ପାଖାପାଖି ୨୦,୬୬୮ ଟଙ୍କା ରଖିଛି। ଏବେ ଏହା ୯୯୫ ପାଉଣ୍ଡ ବା ୮୭,୫୧୦ ଟଙ୍କାରେ ବିକ୍ରି ହେଉଛି।
Sambad is now on WhatsApp
Join and get latest news updates delivered to you via WhatsApp
ଫାଇନାଲ୍ ଟିକେଟ ଦର ତ ଆହୁରି ଚଢ଼ା ମୂଲ୍ୟରେ ବିକ୍ରି ହେଉଛି। ଲର୍ଡସରେ ଜୁଲାଇ ୧୪ରେ ଖେଳାଯିବାକୁ ଥିବା ଫାଇନାଲର ରୌପ୍ୟ ଏବଂ କାଂସ୍ୟ ବର୍ଗର ଟିକେଟ ଯଥାକ୍ରମେ ୧୮୫ ପାଉଣ୍ଡ (୧୭,୧୫୦ ଟଙ୍କା) ଓ ୮୫ ପାଉଣ୍ଡ (୮,୩୫୫ ଟଙ୍କା) ରଖା ଯାଇଛି। ହେଲେ ଏହି ଦୁଇ ବର୍ଗର ଟିକେଟ ଏବେ ୧୭୦୦ (୧.୫ ଲକ୍ଷ ଟଙ୍କା) ଓ ୧୫୦୦ ପାଉଣ୍ଡ (୧.୩୧ ଲକ୍ଷ ଟଙ୍କା)ରେ ବିକ୍ରି ହେଉଛି। ସେଥିମଧ୍ୟରୁ କେତେକ ଟିକେଟ ଆଇସିସିର ସ୍ବୀକୃତିପ୍ରାପ୍ତ ଟ୍ରାଭେଲ୍ ଏଜେଣ୍ଟ ବିକ୍ରି କରୁଛନ୍ତି। ଯାହାକୁ ନେଇ ପ୍ରଶଂସକମାନେ ତୀବ୍ର ଅସନ୍ତୋଷ ଜାହିର କରିଛନ୍ତି।