ଟି-୨୦ ବିଶ୍ବକପ୍ : ଦକ୍ଷିଣ ଆଫ୍ରିକା ଆଗରେ ୧୮୬ ରନର ବିଜୟ ଲକ୍ଷ୍ୟ ରଖିଲା ପାକିସ୍ତାନ
ସିଡନି : ଅଷ୍ଟ୍ରେଲିଆର ସିଡନି କ୍ରିକେଟ ଗ୍ରାଉଣ୍ଡଠାରେ ଖେଳାଯାଉଥିବା ଟି-୨୦ ବିଶ୍ବକପରେ ଦକ୍ଷିଣ ଆଫ୍ରିକା ଆଗରେ ୧୮୬ ରନର ବିଜୟ ଲକ୍ଷ୍ୟ ରଖିଛି ପାକିସ୍ତାନ ।
Sambad is now on WhatsApp
Join and get latest news updates delivered to you via WhatsApp
ପାକିସ୍ତାନ ପାଇଁ ଏହି ମ୍ୟାଚ ‘କର ବା ମର’ ପରିସ୍ଥିତି ସୃଷ୍ଟି କରିଥିବାବେଳେ ପାକିସ୍ତାନ ବ୍ୟାଟ୍ସମ୍ୟାନମାନେ ଲଢୁଆ ବ୍ୟାଟିଂ କରି ଏକ ବଡ଼ ସ୍କୋର ଛିଡ଼ା କରିପାରିଛନ୍ତି ।
ଏହି ମ୍ୟାଚରେ ପାକିସ୍ତାନ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । ମାତ୍ର ଆରମ୍ଭରୁ ଦଳର ପ୍ରମୁଖ ବ୍ୟାଟ୍ସମ୍ୟାନ ବାବର ଆଜମ, ମହମ୍ମଦ ରିଜଓ୍ବାନଙ୍କ ଓ୍ବିକେଟ୍ ହରାଇ ବିପର୍ଯ୍ୟୟର ସମ୍ମୁଖୀନ ହୋଇଥିଲା । ଏପରିକି ଦଳ ୪୩ ରନରେ ୪ଟି ଓ୍ବିକେଟ୍ ହରାଇ ଏକ ବଡ଼ ସଂକଟରେ ପଡ଼ିଯାଇଥିଲା । ମାତ୍ର ଇଫତିଖାର ମହମ୍ମଦ, ସଦାବା ଖାଁ ଓ ମହମ୍ମଦ ନଓ୍ବାଜ୍ ଲଢୁଆ ବ୍ୟାଟିଂ କରି ଦଳକୁ ବିପର୍ଯ୍ୟୟରୁ ରକ୍ଷା କରିବା ସହ ଏକ ବଡ଼ ସ୍କୋର ଛିଡ଼ା କରିଥିଲେ । ତେବେ ଶେଷ ବେଳକୁ ଦଳ ପୁଣି କେତୋଟି ଓ୍ବିକେଟ୍ ଅଳ୍ପରନ ବ୍ୟବଧାନରେ ହରାଇଥିଲା । ଶେଷକୁ ଦଳ ନିର୍ଦ୍ଧାରିତ ୨୦ ଓଭରରେ ୯ ଓ୍ବିକେଟ୍ ହରାଇ ୧୮୫ ରନ କରିଥିଲା ।
ଦକ୍ଷିଣ ଆଫ୍ରିକା ପକ୍ଷରୁ ଆନରିଚ୍ ନୋରଜି ୪ଟି ଓ୍ବିକେଟ ନେଇଥିବାବେଳେ ଓ୍ବାଇନ ପାରନେଲ, କାସିଗୋ ରବାଡା, ଲୁଙ୍ଗି ଏନଗିଡି ଓ ତବରେଜ୍ ସାମସି ଗୋଟିଏ ଲେଖାଏଁ ଓ୍ବିକେଟ ନେଇଥିଲେ ।