ମୁମ୍ବାଇ : ୨୦୧୧ ବିଶ୍ବକପ ଜିତିବା ତାଙ୍କ ଜୀବନର ସବୁଠାରୁ ମହାନତମ କ୍ଷଣ ଥିଲା । ଏହି କ୍ଷଣ ପାଇଁ ସେ କ୍ରିକେଟ ଖେଳିବା ଆରମ୍ଭ କରିଥିଲେ ବୋଲି କହିଛନ୍ତି ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲେକର ।
Sambad is now on WhatsApp
Join and get latest news updates delivered to you via WhatsApp
ଭାରତ ୧,୦୦୦ ତମ ଏକଦିବସୀୟ ମ୍ୟାଚ ଖେଳିବା ଉପଲକ୍ଷେ ଏକ ଜାତୀୟ ସ୍ତରର ଗଣମାଧ୍ୟମକୁ ସାକ୍ଷାତକାର ଦେଇ ସେ କହିଛନ୍ତି ଯେ ଭାରତୀୟ କ୍ରିକେଟ୍ ସଫଳତାର ଶୀର୍ଷରେ ପହଞ୍ଚିପାରିଛି, ଏହାର ଶ୍ରେୟ ବର୍ତ୍ତମାନ ଓ ପୂର୍ବତନ ଖେଳାଳି ଓ ବିସିସିଆଇକୁ ଯିବ ।
ଆସନ୍ତା ରବିବାର ଦିନ ଭାରତ ଓ ଓ୍ବେଷ୍ଟଇଣ୍ଡିଜ ମଧ୍ୟରେ ଖେଳାଯିବାକୁ ଥିବା ମ୍ୟାଚ ଭାରତର ୧,୦୦୦ ତମ ଏକଦିବସୀୟ ମ୍ୟାଚ ହେବ । ଅର୍ଥାତ ଭାରତ ଏପର୍ଯ୍ୟନ୍ତ ମୋଟ ୯୯୯ଟି ଏକଦିବସୀୟ ମ୍ୟାଚ ଖେଳିଛି । ଏହି ୯୯୯ଟି ମ୍ୟାଚ ମଧ୍ୟରେ ତେନ୍ଦୁଲକର ମୋଟ ୪୬୩ଟି ମ୍ୟାଚ ଖେଳିଛନ୍ତି ।
ସଚିନ କହିଛନ୍ତି ଯେ ସେ ଭାରତ ପାଇଁ ଟେଷ୍ଟ କ୍ରିକେଟ ଖେଳିବାକୁ ଲକ୍ଷ୍ୟ ରଖିଥିଲେ । ଟେଷ୍ଟ ଉପରେ ହିଁ ଗୁରୁତ୍ବ ଦେଉଥିଲେ । ଟେଷ୍ଟ ଖେଳିଲେ ଦିନିକିଆରେ ଦକ୍ଷତା ଆସିଯିବ ବୋଲି ସେ ଭାବୁଥିଲେ । ଏଣୁ ଟେଷ୍ଟ ଖେଳିବା ଆରମ୍ଭ କରିବା ପରେ ତାଙ୍କର ଏକଦିବସୀୟ କ୍ୟାରିୟର ବି ଆରମ୍ଭ ହୋଇଥିଲା ।