ଆଇପିଏଲ : ଦିଲ୍ଲୀ ଆଗରେ ୨୦୫ ରନର ଲକ୍ଷ୍ୟ ରଖିଲା କୋଲକାତା

ନୂଆଦିଲ୍ଲୀ : ଦିଲ୍ଲୀର ଅରୁଣ ଜେଟଲି ଷ୍ଟାଡିୟମଠାରେ ଚାଲିଥିବା ଆଇପିଏଲ ୨୦୨୫ର ୪୮ତମ ମ୍ୟାଚରେ ଦିଲ୍ଲୀ କ୍ୟାପିଟାଲ୍ସ ଆଗରେ ୨୦୫ ରନର ଲକ୍ଷ୍ୟ ରଖିଛି କୋଲକାତା ନାଇଡରଇଡର୍ସ ।

ଏହି ମ୍ୟାଚରେ ଦିଲ୍ଲୀ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରିଥିବା କେକେଆର ନିର୍ଦ୍ଧାରିତ ୨୦ ଓଭରରେ ୯ ଓ୍ବିକେଟ ହରାଇ ୨୦୪  ରନ କରିଥିଲା । ଦଳ ପକ୍ଷରୁ ସୁନୀଲ ନାରାୟଣ ଓ ରେହମାନୁଲ୍ଲା ଗୁରବାଜ୍ ଆରମ୍ଭରୁ ଦ୍ରୁତ ଗତିରେ ସ୍କୋର କରିବା ଆରମ୍ଭ କରିଥିଲେ । ଗୁରବାଜ୍ ୨୬ ରନ କରିଥିବାବେଳେ ନାରାୟଣ ୨୭ ରନ କରିଥିଲେ । ଅଜିଙ୍କ୍ୟ ରାହାଣେ ୨୬ ରନ କରିଥିବାବେଳେ ଅଙ୍ଗକ୍ରିସ୍ ରଘୁବଂଶୀ ୪୪ ରନ କରିଥିଲେ । ରିଙ୍କୁ ସିଂ ୩୬ରନ କରିଥିବାବେଳେ ଆନ୍ଦ୍ରେ ରସେଲ୍ ୧୭ ରନ କରିଥିଲେ । ମାତ୍ର ଶେଷ ବେଳକୁ ଦଳ ୩ଟି ଓ୍ବିକେଟ ଅଳ୍ପରନ ବ୍ୟବଧାନରେ ହରାଇଥିଲା ।