ଡବଲିନ୍: କେ. ଏଲ୍. ରାହୁଲ ଓ ସୁରେଶ ରାଇନାଙ୍କ ଅର୍ଦ୍ଧଶତକ ବଳରେ ଟିମ୍ ଇଣ୍ଡିଆ ୨ୟ ତଥା ଅନ୍ତିମ ଟି-୨୦ରେ ଆର୍ୟାରଲାଣ୍ଡକୁ ୨୧୪ ରନ୍ ଟାର୍ଗେଟ ଦେଇଛି। ଟସ୍ ହାରି ପ୍ରଥମେ ବ୍ୟାଟିଂ କରିଥିବା ଭାରତ ନିର୍ଦ୍ଧାରିତ ୨୦ ଓଭରରେ ୪ଟି ଓ୍ଵିକେଟ୍ ହରାଇ ୨୧୩ରନ୍ ସଂଗ୍ରହ କରିଛି। ଡବଲିନ୍ର ମାଲାହାଇଡ କ୍ରିକେଟ ଷ୍ଟାଡିୟମରେ ୧୩ତମ ଓଭରରେ କେଭିନ ଓ ବ୍ରାୟନ ବ୍ୟାଟସ୍ମ୍ୟାନ ଲୋକେଶ ରାହୁଲଙ୍କୁ ପାଭଲିଅନ ପଠାଇଥିଲେ। ସେ ନିଜର ବଲକୁ କ୍ୟାଚ ନେଇଥିଲେ। ରାହୁଲ ୭୦ ରନ୍ ସଂଗ୍ରହ କରିବା ପରେ ପାଭଲିଅନ ଫେରିଥିଲେ। ୩୬ଟି ବଲ ଖେଳି ୩ଟି ଚୌକା ଓ ୬ଟି ଛକା ମାରିଥିଲେ। ୪ ନମ୍ବରରେ ରୋହିତ ଶର୍ମା ବ୍ୟାଟିଂ କରିବାକୁ ଆସି କୌଣସି ରନ୍ ନକରି ପାଭଲିଅନ ଫେରିଥିଲେ। ଆର୍ୟାରଲାଣ୍ଡର ୩ୟ ଶିକାର ହୋଇଥିଲେ ରୋହିତ ଶର୍ମା।
Sambad is now on WhatsApp
Join and get latest news updates delivered to you via WhatsApp
ସୁରେଶ ରାଇନା ୪୫ଟି ବଲ ଖେଳି ୬୯ ରନ୍ ସଂଗ୍ରହ କରିଥିଲେ। ଏଥିରେ ୫ଟି ଚୌକା ଓ ୩ଟି ଛକା ସାମିଲ ଥିଲା। ମନୀଷ ପାଣ୍ଡେ ଅପରାଜିତ ୨୧ ରନ୍ ଓ ହାର୍ଦ୍ଦିକ ପାଣ୍ଡ୍ୟା ଅପରାଜିତ ୩୨ ରନ୍ ଯୋଡ଼ିଥିଲେ। ୨୨ ରନ୍ରେ ଭାରତର ପ୍ରଥମ ଓ୍ଵିକେଟ୍, ୧୨୮ ରନ୍ରେ ୨ୟ ଓ୍ଵିକେଟ, ୧୨୮ ରନ୍ରେ ୩ୟ ଓ୍ଵିକେଟ ଓ ୧୬୯ ରନ୍ରେ ୪ର୍ଥ ଓ୍ଵିକେଟ୍ର ପତ୍ତନ ଘଟିଥିଲା। ଆର୍ୟାରଲାଣ୍ଡର କେଭିନ ଓ ବ୍ରାୟନଙ୍କୁ ସର୍ବାଧିକ ୩ଟି ଓ୍ଵିକେଟ୍ ମିଳିଥିଲା।