ଦୋହା : ରବିବାର ଅର୍ଥାତ୍ ନଭେମ୍ବର ୨୦ରୁ ମଧ୍ୟପ୍ରାଚ୍ୟ ଦେଶ କାତାରରେ ଆରମ୍ଭ ହେଉଛି ବିଶ୍ବକପ୍ ଫୁଟବଲ୍ । ଏଥିପାଇଁ ସମଗ୍ର ପ୍ରସ୍ତୁତ ଚୂଡ଼ାନ୍ତ ହୋଇଛି । ପ୍ରଥମ ମ୍ୟାଚ ଆୟୋଜକ କାତାର ଓ ଇକ୍ବେଡର ମଧ୍ୟରେ ଖେଳାଯିବ । ଏହି ବିଶ୍ବକପକୁ କୁହାଯାଉଛି ସବୁଠାରୁ ମହଙ୍ଗା ବିଶ୍ବକପ୍ । ତେବେ ଏଠାରେ ପ୍ରଶ୍ନ ଉଠୁଛି ଏହି ବିଶ୍ବକପ ଆୟୋଜନ ପାଇଁ କେତେ ବ୍ୟୟ କରିଛି କାତାର ?
Sambad is now on WhatsApp
Join and get latest news updates delivered to you via WhatsApp
ଆମେରିକୀୟ ସ୍ପୋର୍ଟ୍ସ ଫାଇନାନ୍ସ କନସଲଟାନ୍ସି ସଂସ୍ଥା ଫ୍ରଣ୍ଟ ଅଫିସ ସ୍ପୋର୍ଟ୍ସର ତଥ୍ୟ ଅନୁସାରେ ୨୦୨୦ରେ ଆୟୋଜକ ଘୋଷଣା ହେବା ପରଠାରୁ କାତାର ସରକାର ଏହି ବିଶ୍ବକପ୍ ଆୟୋଜନ କରିବା ପାଇଁ ମୋଟ ୨୨୦ ବିଲିୟନ ଡଲାର ବ୍ୟୟ କରିଛି । ଭାରତୀୟ ମୁଦ୍ରାରେ ଏହାର ମୂଲ୍ୟ ହେବ ପ୍ରାୟ ୧୮ ଲକ୍ଷ କୋଟି ଟଙ୍କା ।
ଏହି ବିଶ୍ବକପରେ ମୋଟ ୮ଟି ଷ୍ଟାଡିୟମରେ ଖେଳ ହେବ । ଏହା ମଧ୍ୟରୁ ୬ଟି ଷ୍ଟାଡିୟମକୁ ସଂପୂର୍ଣ୍ଣ ନୂଆ ତିଆରି କରାଯାଇଛି ଓ ୨ଟି ଷ୍ଟାଡିୟମର ନବୀକରଣ କରାଯାଇଛି । ଏଥିପାଇଁ ୬ରୁ ୧୦ ବିଲିୟନ ଡଲାର ମଧ୍ୟରେ ବ୍ୟୟ ହୋଇଛି ।
ଅବଶିଷ୍ଟ ୨୧୦ ବିଲିୟନ ଡଲାର ନୂଆ ଏୟାରପୋର୍ଟ, ହୋଟେଲ, ପରିବହନ ବ୍ୟବସ୍ଥା, ପାର୍କିଂ ବ୍ୟବସ୍ଥା, ଟ୍ରେନିଂ ସେଣ୍ଟର, ସଡ଼କ ଆଦି ନିର୍ମାଣରେ ବ୍ୟୟ ହୋଇଛି । ଦୋହା ମେଟ୍ରୋ ପାଇଁ ୩୬ ବିଲିୟନ ଡଲାର ବ୍ୟୟ ହୋଇଥିବାବେଳେ ଦୋହାରେ ନିର୍ମିତ ଏକ ହୋଟେଲ କଂପ୍ଲେକ୍ସ ପାଇଁ ୧୫ ବିଲିୟନ ଡଲାର ବ୍ୟୟ ହୋଇଛି ।