ଚେନ୍ନାଇ ଟେଷ୍ଟ୍ : ଭାରତ ଆଗରେ ୪୨୦ରନର ବିଜୟ ଲକ୍ଷ୍ୟ
ଚେନ୍ନାଇ : ଚେନ୍ନାଇର ଏମ.ଏ. ଚିଦାମ୍ବରମ ଷ୍ଟାଡିୟମଠାରେ ଚାଲିଥିବା ଭାରତ-ଇଂଲାଣ୍ଡ ଟେଷ୍ଟ ରୋମାଞ୍ଚକର ସ୍ଥିତିରେ ପହଞ୍ଚିଛି । ପ୍ରଥମେ ବ୍ୟାଟିଂ କରି ବିଶାଳ ୫୭୮ ରନ କରିଥିବା ଇଂଲାଣ୍ଡ ନିଜର ୨ୟ ଇନିଂସରେ ମାତ୍ର ୧୭୮ ରନ କରି ଅଲଆଉଟ ହୋଇଯାଇଛି । ଫଳରେ ପ୍ରଥମ ଇନିଂସରେ ୩୩୭ ରନ କରି ଅଲଆଉଟ ହୋଇଯାଇଥିବା ଭାରତ ଆଗରେ ୪୨୦ ରନର ବିଜୟ ଲକ୍ଷ୍ୟ ରହିଛି ।
Sambad is now on WhatsApp
Join and get latest news updates delivered to you via WhatsApp
୪୨୦ ରନର ବିଜୟ ଲକ୍ଷ୍ୟ ପାଇଁ ଖେଳୁଥିବା ଭାରତ ୪ର୍ଥ ଦିନର ଷ୍ଟମ୍ସ ଅପସାରଣ ବେଳକୁ ଗୋଟିଏ ଓ୍ବିକେଟ ହରାଇ ୩୯ ରନ କରିଛି । ଓପନର ତଥା ଅଭିଜ୍ଞ ବ୍ୟାଟ୍ସମ୍ୟାନ ରୋହିତ ଶର୍ମା ମାତ୍ର ୧୨ ରନ କରି ଜ୍ୟାକ୍ ଲିକଙ୍କ ବଲରେ ଆଉଟ ହୋଇଛନ୍ତି । କ୍ରିଜରେ ଏବେ ଶୁଭମନ ଗିଲ ଓ ଚେତେଶ୍ବର ପୂଜାରା ଅଛନ୍ତି ।
ଇଂଲାଣ୍ଡ ନିଜର ୨ୟ ଇନିଂସରେ ମାତ୍ର ୧୭୮ ରନରେ ଅଲଆଉଟ ହୋଇଯାଇଥିଲା । ଇଂଲାଣ୍ଡର କୌଣସି ବ୍ୟାଟ୍ସମ୍ୟାନ ଭାରତୀୟ ସ୍ପିନର ଆର.ଅଶ୍ବୀନଙ୍କ ବଲର ସମ୍ମୁଖୀନ ହୋଇପାରିନଥିଲେ । ଅଶ୍ବୀନ ୬୧ରନ ଦେଇ ୬ଟି ଓ୍ବିକେଟ ନେଇଥିଲେ । ତେବେ ପ୍ରଥମ ଇଂନିସରେ ଦ୍ବିଶତକ ମାରିଥିବା ଜୋ ରୁଟ ସର୍ବାଧିକ ୪୦ ରନ କରିଥିଲେ ।
ମ୍ୟାଚର ୫ମ ଦିନରେ ଭାରତ ବିଜୟ ପାଇଁ ଆଉ ୩୮୧ ରନ ଆବଶ୍ୟକ କରୁଥିବାବେଳେ ହାତରେ ୯ଟି ଓ୍ବିକେଟ ଅଛି ।