୧୯ ବର୍ଷରୁ କମ୍ ଏସିଆ କପ୍: କ୍ରମାଗତ ୩ୟ ବିଜୟ ସହ ସେମିଫାଇନାରେ ଭାରତ, ବାହାରିଲା ପାକିସ୍ତାନ
ନୂଆଦିଲ୍ଲୀ: ଭାରତ ‘ଏସିସି ୧୯ ବର୍ଷରୁ କମ୍ ଏସିଆ କପ୍’ରେର ଆଫଗାନିସ୍ତାନ କ୍ରିକେଟ୍ ଟିମ୍କୁ ୩ ଓ୍ଵିକେଟରେ ପରାସ୍ତ କରିଛି। ଭାରତର ଏହା ଏହି ଟୁର୍ଣ୍ଣାମେଣ୍ଟରେ କ୍ରମାଗତ ତୃତୀୟ ବିଜୟ ହାସଲ କରିଛି। ଭାରତ ନିଜର ପ୍ରଥମ ମ୍ୟାଚ୍ ଓ ଦ୍ୱିତୀୟ ମ୍ୟାଚ୍ରେ ମଧ୍ୟ ବିଜୟୀ ହୋଇଥିଲା। ଏହି ଟୁର୍ଣ୍ଣାମେଣ୍ଟରେ ପାକିସ୍ତାନକୁ ଭାରତ ପୂର୍ବରୁ ପରାସ୍ତ କରିଛି। ବର୍ତ୍ତମାନ ଭାରତ ‘ଗ୍ରୁପ-ଏ’ରେ ୩ଟି ମ୍ୟାଚ୍ରେ ବିଜୟୀ ହେବା ପରେ ୬ ପଏଣ୍ଟ ପାଇ ଶୀର୍ଷ ସ୍ଥାନ ହାସଲ କରିବା ସହ ସେମିଫାଇନାଲରେ ପ୍ରବେଶ କରିଛି। ପାକିସ୍ତାନ ଏହି ଟୁର୍ଣ୍ଣାମେଣ୍ଟରୁ ବାହାରି ଯାଇଛି।
Sambad is now on WhatsApp
Join and get latest news updates delivered to you via WhatsApp
ଭାରତ ଓ ଆଫଗାନିସ୍ତାନ ମ୍ୟାଚ କଲମ୍ବୋ କ୍ରିକେଟ ଗ୍ରାଉଣ୍ଡରେ ଖେଳାଯାଇଛି। ଭାରତ ଏହି ମ୍ୟାଚ୍ରେ ପ୍ରଥମେ ବ୍ୟାଟିଂ କରିଥିବା ଆଫଗାନିସ୍ତାନକୁ ୪୦.୧ ଓଭରରେ ମାତ୍ର ୧୨୪ ରନ୍ରେ ଆଉଟ୍ କରିଛି। ସୁଶାନ୍ତ ମିଶ୍ର (୫/୨୦) ଏବଂ ଅଥର୍ବ ଓକୋଲେକର (୪/୧୬) ସବୁଠାରୁ ସଫଳ ବୋଲର ବିବେଚିତ ହୋଇଛନ୍ତି।
ଭାରତ ପାଇଁ ବିଜୟ ଲକ୍ଷ୍ୟ ସହଜ ଥିଲା କିନ୍ତୁ ଆଫଗାନିସ୍ତାନ ଅଡୁଆରେ ପକାଇବା ପାଇଁ ଉଦ୍ୟମ କରିଥିଲା। ଭାରତ ୩୮.୪ ଓଭରରେ ୭ ଓ୍ଵିକେଟ ହରାଇ ୧୨୮ ରନ ସଂଗ୍ରହ କରିବା ସହିତ ମ୍ୟାଚ ଜିତିଛି। ଆଫଗାନିସ୍ତାନ ତରଫରୁ ନୁର ଅହମଦ ସର୍ବାଧିକ ୪ ଓ୍ଵିକେଟ ନେଇଛନ୍ତି। ଏକଦା ଅର୍ଜୁନ ଆଜାଦ (୨୧), ଶଶାଙ୍କ ରାଓତ (୨୯) ଓ ସଲିଲ ଓରୋରା (୨୯)ଙ୍କ ବ୍ୟାଟିଂ ବଳରେ ୧ ଓ୍ଵିକେଟ ହରାଇ ୮୦ ରନ ସଂଗ୍ରହ କରି ସହଜ ବିଜୟ ଦିଗକୁ ଅଗ୍ରସର ହେଉଥିଲା।