ବିସିସିଆଇ ଆଗରେ ଆଇସିସି ବି କିଛି କରିପାରିବ ନାହିଁ : ଆଫ୍ରିଦି

କରାଚି : ଏସିଆ କପ୍ ୨୦୨୩ କେଉଁଠାରେ ହେବ ସେ ନେଇ ଏପର୍ଯ୍ୟନ୍ତ କୌଣସି ନିଷ୍ପତ୍ତି ନିଆଯାଇନାହିଁ। ଆସନ୍ତା ମାସରେ ଏସିଆ କପ୍ ଆୟୋଜନ ପାଇଁ ଏକ ବୈଠକ ହେବାକୁ ଯାଉଛି, ତା'ପରେ ଏସିଆ କପ୍ କେଉଁଠି ଆୟୋଜନ ହେବ ତାହା ଜଣାପଡ଼ିବ । ପାକିସ୍ତାନ କ୍ରିକେଟ୍ ବୋର୍ଡ ପାକିସ୍ତାନରେ ଏସିଆ କପ୍ ଆୟୋଜନ କରିବାକୁ ଚାହୁଁଥିବା ବେଳେ ବିସିସିଆଇ ନିରପେକ୍ଷ ସ୍ଥାନରେ ଏସିଆ କପ୍ ଆୟୋଜନ କରିବାକୁ ଚାହୁଁଛି । ଏହାକୁ ନେଇ ବିବାଦୀୟ ପରିସ୍ଥିତି ସୃଷ୍ଟି ହୋଇଛି ।

ଏବେ ପାକିସ୍ତାନର ପୂର୍ବତନ ଅଧିନାୟକ ଶାହିଦ ଆଫ୍ରିଦି ଏହି ପ୍ରସଙ୍ଗରେ ଏପରି ଏକ ବୟାନ ଦେଇଛନ୍ତି ଯେ ତାହାକୁ ନେଇ ଚର୍ଚ୍ଚା ହେଉଛି । ପାକିସ୍ତାନୀ ନ୍ୟୁଜ୍ ଚ୍ୟାନେଲ୍ 'ସାମା ଟିଭି'ରେ ଆଫ୍ରିଦି କହିଛନ୍ତି, 'ଭାରତ ପାକିସ୍ତାନକୁ ଆଖି ଦେଖାଉଛି, କାରଣ ସେମାନେ ନିଜକୁ ଶକ୍ତିଶାଳୀ କରିଛନ୍ତି, ସେଥିପାଇଁ ସେମାନେ ଏଭଳି କଥା କହୁଛନ୍ତି। କଥା ହେଉଛି ଯଦି ଆପଣ ନିଜକୁ ମଜବୁତ କରିବେ ତେବେ ଯଦି ଆପଣ ନିଜର କଥା ରଖିବେ ତେବେ ଲୋକମାନେ ମଧ୍ୟ ଏହା ବିଷୟରେ କହିବେ ।

ଏସିଆ କପ୍ ଖେଳିବାକୁ ଭାରତୀୟ ଦଳ ପାକିସ୍ତାନ ଆସିବେ କି ନାହିଁ କିମ୍ବା ଆମେ ବିଶ୍ୱକପ୍ ଖେଳିବାକୁ ଯାଉଛୁ କି ନାହିଁ ମୁଁ ଜାଣେ ନାହିଁ, କିନ୍ତୁ କେଉଁଠି ନା କେଉଁଠି ଆପଣଙ୍କୁ ନିଜ ନିଷ୍ପତ୍ତି ରେ ଠିଆ ହେବାକୁ ପଡ଼ିବ। ଏଠାରେ ଆଇସିସିର ଆଭିମୁଖ୍ୟ ମଧ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହେବ। ଆଇସିସି ବାହାରକୁ ଆସି ଏହି ପ୍ରସଙ୍ଗରେ ଆଲୋଚନା କରିବା ଉଚିତ। କିନ୍ତୁ ମୁଁ ପୁଣି କହିବାକୁ ଚାହୁଁଛି ଯେ ଆଇସିସି ମଧ୍ୟ ଭାରତୀୟ କ୍ରିକେଟ ବୋର୍ଡ (ବିସିସିଆଇ) ସମ୍ମୁଖରେ କିଛି କରିପାରିବ ନାହିଁ। '