ବିଶ୍ୱକପ୍ ପୂର୍ବରୁ ପାକିସ୍ତାନର ପ୍ରଦର୍ଶନ ନେଇ ଅଧିନାୟକଙ୍କ ଠାରୁ ପୂର୍ବତନ ଖେଳାଳି ପର୍ଯ୍ୟନ୍ତ ସମସ୍ତଙ୍କର ବଢ଼ିଲା ଚିନ୍ତା
ଲଣ୍ଡନ: ଇଂଲଣ୍ଡ ବିପକ୍ଷରେ ୫ ଦିନିକିଆ ମ୍ୟାଚ୍ ଶୃଙ୍ଖଳାରେ ପାକିସ୍ତାନ ୦-୩ରେ ପଛୁଆ ରହିବା ପରେ ଟିମ୍ର ଅଧିନାୟକଙ୍କ ସମେତ ପୂର୍ବତନ ଖେଳାଳିଙ୍କର ମଧ୍ୟ ଚିନ୍ତା ବଢ଼ିଛି। ପାକିସ୍ତାନର ଅଧିନାୟକ ସରଫରାଜ ଅହମଦ ନିରାଶ ହେବା ପରେ ପୂର୍ବତନ ଦ୍ରୁତ ବୋଲର ଶୋଏବ୍ ଅଖତର୍ ମଧ୍ୟ ଇଂଲଣ୍ଡ ବିପକ୍ଷରେ ଶୃଙ୍ଖଳାର ୪ର୍ଥ ମ୍ୟାଚ୍ରେ ପାକିସ୍ତାନର ହାରିବା ନେଇ ଟିମର ବୋଲିଂକୁ ନେଇ ଅସନ୍ତୁଷ୍ଟ ଦେଖାଯାଇଛନ୍ତି।
ଟସ୍ ହାରିବା ପରେ ପ୍ରଥମେ ବ୍ୟାଟିଂ କରି ପାକିସ୍ତାନ ନିର୍ଦ୍ଧାରିତ ୫୦ ଓଭରରେ ୭ ଓ୍ଵିକେଟ ହରାଇ ୩୪୦ ରନ କରିଥିଲା। ଇଂଲଣ୍ଡ ୪୯.୩ ଓଭରରେ ୭ ଓ୍ଵିକେଟ ହରାଇ ଲକ୍ଷ୍ୟ ହାସଲ କରିଥିଲା। ଏହା ପୂର୍ବରୁ ମଧ୍ୟ ୨ଟି ମ୍ୟାଚ୍ରେ ବଡ଼ ସ୍କୋର କରିଥିଲା ଏବଂ ଏଥିରେ ପାକିସ୍ତାନକୁ ହାରିବାକୁ ପଡ଼ିଥିଲା। ଏପର୍ଯ୍ୟନ୍ତ ଖେଳାଯାଇଥିବା ଏକ ମ୍ୟାଚ୍ରେ ବର୍ଷା ବାଧକ ସାଜିଥିଲା।
Another failed attempt to defend a 300+ total by Pakistan and the series loss.
Disappointed by the bowling again.— Shoaib Akhtar (@shoaib100mph) May 17, 2019
ଗ୍ରୀଷ୍ମ ଋତୁରେ ଇଂଲଣ୍ଡର ପିଚ୍ ଦ୍ରୁତ ହୋଇଛି। ଇଂଲଣ୍ଡର ବୋଲରମାନେ ପାକିସ୍ତାନକୁ ୩୦୦ ରନ୍ରେ ଅଟକାଇବା ସହଜ ହୋଇପାରୁ ନାହୁଁ। ଏହାରି ମଧ୍ୟରେ ଅଖତର ବୋଲରଙ୍କ ନୈରାଶ୍ୟ ଜନକ ବୋଲିଂ ଯୋଗୁଁ ପାକିସ୍ତାନ ହାରୁଛି ବୋଲି ଟୁଇଟ୍ କରିଛନ୍ତି। ବୋଲିଂ ପୁଣି ଥରେ ନିରାଶ କରିଛି।
