‘ପାପା, ମୁଁ ତୁମ ଫ୍ୟାନ ନୁହେଁ କାକାଙ୍କର ଫ୍ୟାନ’
ନୂଆଦିଲ୍ଲୀ: ଆଇପିଏଲ୍ ୨୦୨୨ର ୫୭ ତମ ମ୍ୟାଚ୍ ଆଜି ଲଖନଉ ସୁପର ଜିଆଣ୍ଟସ୍ ଏବଂ ଗୁଜୁରାଟ ଟାଇଟାନ୍ସ ମଧ୍ୟରେ ଖେଳାଯିବ | ମହାରାଷ୍ଟ୍ର କ୍ରିକେଟ୍ ଆସୋସିଏସନ୍ ଷ୍ଟାଡିୟମ ପୁଣେରେ ସନ୍ଧ୍ୟା ୭:୩୦ରେ ମ୍ୟାଚ୍ ଆରମ୍ଭ ହେବ | ଏହି ମ୍ୟାଚ୍ ଜିତିଥିବା ଦଳ ପ୍ଲେ-ଅଫରେ ନିଜର ସ୍ଥାନ ନିଶ୍ଚିତ କରିବ | ଏହି ମ୍ୟାଚରେ ଗୁଜୁରାଟର ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଓ ତାଙ୍କ ଭାଇ କ୍ରୁନାଲ ମୁହାଁମୁହିଁ ହେବେ | ତେବେ ମ୍ୟାଚ ପୂର୍ବରୁ ଏବେ ଏମିତି ଏକ ଫଟୋ ଭାଇରାଲ ହୋଇଛି ଯେଉଁଥିରେ ଲଖନଉ ପ୍ରଶଂସକ ଖୁସି ହୋଇଯାଇଛନ୍ତି | ଏହି ମ୍ୟାଚକୁ ନେଇ ହାର୍ଦ୍ଦିକଙ୍କ ପୁଅ ଅଗସ୍ତ୍ୟର କିଛି ଫଟୋ କ୍ରୁନାଲ ସେୟାର କରିଛନ୍ତି | ଯେଉଁଥିରେ ହାର୍ଦ୍ଦିକ ପାଣ୍ଡ୍ୟାଙ୍କ ପୁଅ ଅଗସ୍ତ୍ୟ ଲଖନଉ ସୁପର ଜିଆଣ୍ଟସର ଜର୍ସି ପିନ୍ଧିଛନ୍ତି |
Sambad is now on WhatsApp
Join and get latest news updates delivered to you via WhatsApp
ଦ୍ୱିତୀୟ ଫଟୋରେ ଅଗସ୍ତ୍ୟ ତାଙ୍କ ବାପା ହାର୍ଦ୍ଦିକଙ୍କ ଦଳ ଗୁଜୁରାଟ ଟାଇଟାନ୍ସର ଜର୍ସି ବଦଳରେ କାକାଙ୍କ ଦଳର ଜର୍ସି ପିନ୍ଧିଛନ୍ତି | ସୋସିଆଲ ମିଡିଆରେ ଫଟୋ ସେୟାର କରି କ୍ରୁନାଲ ଲେଖିଛନ୍ତି କାଲିର ଖେଳ ପାଇଁ ମୋର ଭାଗ୍ୟଶାଳୀ ମିଳିଗଲା | ସୋସିଆଲ ମିଡିଆରେ ଅଗସ୍ତ୍ୟଙ୍କ ଏହି ଫଟୋଗୁଡ଼ିକ ଭାଇରାଲ ହେବାରେ ଲାଗିଛି | ଆଇପିଏଲ୍ ୨୦୨୨ ପୂର୍ବରୁ ଆୟୋଜିତ ହୋଇଥିବା ମେଗା ନିଲାମରେ କ୍ରୁନାଲ ପାଣ୍ଡ୍ୟାଙ୍କୁ ଲଖନଉ ସୁପର ଜିଆଣ୍ଟସ୍ ୮ କୋଟି ୨୫ ଲକ୍ଷ ଟଙ୍କାରେ କିଣିଥିଲା। ଏହି ନିଲାମ ପାଇଁ କ୍ରୁନାଲ ତାଙ୍କର ବେସ ପ୍ରାଇସ ମୂଲ୍ୟ ୨ କୋଟି ଟଙ୍କା ରଖିଥିଲେ।
ଅନ୍ୟପକ୍ଷରେ, ନିଲାମ ପୂର୍ବରୁ ଗୁଜୁରାଟ ଟାଇଟାନ୍ସ ଦ୍ୱାରା ହାର୍ଦ୍ଦିକ ପାଣ୍ଡ୍ୟାଙ୍କୁ ୧୫ କୋଟି ଟଙ୍କାରେ ଚୁକ୍ତିବଦ୍ଧ କରାଯାଇଥିଲା | ପାଣ୍ଡ୍ୟାଙ୍କୁ ଦଳର ଅଧିନାୟକ ଦାୟିତ୍ୱ ଦିଆଯାଇଥିଲା। ହାର୍ଦ୍ଦିକଙ୍କ ଅଧିନାୟକତ୍ୱରେ ଗୁଜୁରାଟ ଚମତ୍କାର ପ୍ରଦର୍ଶନ କରିଛି। ଗୁଜରାଟ ଏପର୍ଯ୍ୟନ୍ତ ଆଇପିଏଲ ୨୦୨୨ରେ ୧୧ଟି ମ୍ୟାଚ୍ ଖେଳିଛି ଏବଂ ୮ଟି ଜିତିଛି | ଗୁଜୁରାଟ ପଏଣ୍ଟ ଟେବୁଲରେ ଦ୍ଵିତୀୟ ସ୍ଥାନରେ ଅଛି | ସେହିପରି ୧୬ ପଏଣ୍ଟ ସହ ଲଖନଉ ଦଳ ପଏଣ୍ଟ ଟେବୁଲରେ ପ୍ରଥମ ସ୍ଥାନରେ ଅଛି | ଗୁଜୁରାଟ ଅପେକ୍ଷା ଲଖନଉର ନେଟ ରନ୍ ରେଟ ଭଲ ରହିଛି |