ନୂଆଦିଲ୍ଲୀ: ଭାରତୀୟ ଦଳର ପୂର୍ବତନ ଅଧିନାୟକ ଏମଏସ ଧୋନୀଙ୍କୁ ନେଇ ଅନେକ ଭିଡିଓ ସୋସିଆଲ ମିଡିଆରେ ପୋଷ୍ଟ ହୋଇଥ‌ାଏ। ନିକଟରେ ଧୋନୀଙ୍କୁ ନେଇ ଏକ ନୂଆ ଭିଡିଓ ସାମ୍ନାକୁ ଆସିଛି।

Advertisment

ଯେଉଁଥିରେ ଦେଖିବାକୁ ମିଳୁଛି, ଧୋନୀ ତାଙ୍କ ସ୍ତ୍ରୀଙ୍କ ସହିତ ବସି ବିମାନରେ ଯାତ୍ରା କରୁଛନ୍ତି। ଏହି ସମୟରେ ଧୋନୀଙ୍କ ଜଣେ ଫ୍ୟାନ ଆସି ପହଞ୍ଚି ଯାଉଛନ୍ତି। ଏହି ଫ୍ୟାନ ଜଣକ ଆଉ କେହି ନୁହନ୍ତି, ସେ ହେଉଛନ୍ତି ଧୋନୀ ଯେଉଁ ବିମାନରେ ଯାତ୍ରା କରୁଥିଲେ ତାହାର ଏୟାରହଷ୍ଟେସ । ଏହି ଏୟାରହଷ୍ଟେସ ଜଣକ ଚକଲେଟ ଭର୍ତ୍ତି ଥିବା ଏକ ଟ୍ରେ ଆଣି ଧୋନୀଙ୍କ ଆଡକୁ ବଢ଼ାଇ ଦେଉଛନ୍ତି।

ଟ୍ରେରେ ଚକଲେଟ ଦେଖି ଧୋନୀ ଖୁସି ହୋଇଯାଉଛନ୍ତି। ସେହି ଟ୍ରେରୁ ଧୋନୀ ଗୋଟିଏ ଚକଲେଟ ଉଠାଇବା ସହିତ  ଏୟାରହଷ୍ଟେସଙ୍କୁ ଦେଖି ହସିଦେଉଛନ୍ତି । ଏହି ସମୟରେ ଧୋନି ନିଜ ଟ୍ୟାବରେ କ୍ୟାଣ୍ଡି କ୍ରସ ଖେଳୁଥିବା ବି ଦେଖିବାକୁ ମିଳୁଛି ।

ତେବେ ଧୋନୀ ଜଣେ ଭଲ ଖେଳାଳି ହେବା ସହିତ ‌ସେ ଜଣେ ଭଲ ମଣିଷ ମଧ୍ୟ। ଆଜି ପର୍ଯ୍ୟନ୍ତ ତାଙ୍କୁ ଭେଟିବାକୁ ଆସିଥିବା କୌଣସି ଫ୍ୟାନକୁ ସେ ନିରାଶ ହେବାକୁ ଦିଅନ୍ତି ନାହିଁ। ସେ ପ୍ରତ୍ୟେକ ମଣିଷର ମନ କଥା ବୁଝିବା ସହିତ ତାହାକୁ ସମ୍ମାନ ବି ଦେଉଥିବାର ଅନେକ ଘଟଣା ସାମ୍ନାକୁ ଆସିଛି।

ଭିଡିଓଟି ଟ୍ବିଟରରେ ସେୟାର ହେବା ପରେ ଏହାକୁ ୧୫୦୦ରୁ ଅଧିକ ଲାଇକ ମିଳିସାରିଛି । ଆଉ ଭିଡିଓକୁ ଅନେକ ଫ୍ୟାନ୍ସ କମେଣ୍ଟ ମଧ୍ୟ କରିଛନ୍ତି । ଜଣେ ଲେଖିଛନ୍ତି, ‘ଧୋନୀ ବି କ୍ୟାଣ୍ଡି କ୍ରସ ଖେଳି ଥାଆନ୍ତି। ଏହାପର ଠାରୁ କ୍ୟାଣ୍ଡି କ୍ରସ  ଟ୍ରେଣ୍ଡ କରିବା ଆରମ୍ଭ କରିଛି।