ମୁମ୍ବାଇ:  ନୂଆ ଇତିହାସ ରଚିଲେ ଭାରତୀୟ ବଂଶୋଦ୍ଭବ ନ୍ୟୁଜିଲାଣ୍ଡ ବୋଲର ଏଜାଜ ପଟେଲ । ମୁମ୍ବାଇରେ ଖେଳାଯାଉଥିବା ଭାରତ-ନ୍ୟୁଜିଲାଣ୍ଡ ଦ୍ୱିତୀୟ ଟେଷ୍ଟରେ ଭାରତ ବିପକ୍ଷରେ ୧୦ରୁ ୧୦ଟି ୱିକେଟ ହାସଲ କରି ନିଜ ପାଇଁ ରେକର୍ଡ ସୃଷ୍ଟି କରିଛନ୍ତି ଏଜାଜ । ଆଉ ଏଥି ସହ ଭାରତୀୟ ସ୍ପିନର ଅନୀଲ କୁମ୍ବେଲଙ୍କ ରେକର୍ଡର ସମକକ୍ଷ ହୋଇଛନ୍ତି ସେ । ମୁମ୍ବାଇ ଟେଷ୍ଟରେ  ପ୍ରଥମ ପାଳିରେ ଟିମ୍ ଇଣ୍ଡିଆର ସବୁ ଖେଳାଳିଙ୍କୁ ପ୍ୟାଭିଲିୟନ ପଠାଇ ବିରଳ ଉପଲବ୍ଧି ହାସଲ କରିଛନ୍ତି ସ୍ପିନର ଏଜାଜ୍।

Advertisment

ଏହି ନିଆରା ରେକର୍ଡ କରିବାରେ ଏଜାଜ ପଟେଲ୍ ହେଉଛନ୍ତି ବିଶ୍ୱର ତୃତୀୟ କ୍ରିକେଟର । ଏହାପୂର୍ବର୍ରୁ ୧୯୫୬ ମସିହାରେ ଇଂଲଣ୍ଡର ଜିମ ଲେକର ଗୋଟିଏ ଇନିଂସରେ ୧୦ଟି ୱିକେଟ ନେଇ ଇତିହାସ ରଚିଥିଲେ । ପରେ ୧୯୯୯ରେ ପାକିସ୍ତାନ ବିପକ୍ଷ ମ୍ୟାଚରେ ୧୦ରୁ ୧୦ ୱିକେଟ ହାତେଇ ଥିଲେ ଭାରତୀୟ ସ୍ପିନର ଅନୀଲ କୁମ୍ବଲେ । ମାତ୍ର ୭୪ ରନ୍ ଦେଇ ଏହି ସଫଳତା ହାସଲ କରିଥିଲେ ଅନୀଲ । ଆଉ ଏଭଳି ରେକର୍ଡ କରିବାରେ ପ୍ରଥମ ଭାରତୀୟ ହୋଇଥିଲେ କୁମ୍ବଲେ । ଆଉ ଏବେ ଭାରତୀୟ ବଂଶୋଦ୍ଭବ ତଥା ନ୍ୟୁଜିଲାଣ୍ଡ ଖେଳାଳି ଏଜାଜ୍ ଏହି ତାଲିକାରେ ନିଜ ନାମ ସାମିଲ୍ କରିଛନ୍ତି।