ଭାରତ ୩୬ରେ ଅଲଆଉଟ ହୋଇଥିବାରୁ ମୁଁ ଖୁସି : ସୋଏବ ଅଖତର
ଆଡିଲେଡ୍ : ଆଡିଲେଡ୍ ପିଙ୍କ ବଲ ଟେଷ୍ଟରେ ଭାରତ ମାତ୍ର ୩୬ ରନରେ ଅଲଆଉଟ ହେବାକୁ ନେଇ ନିଜର ପ୍ରତିକ୍ରିୟା ରଖିଛନ୍ତି ପୂର୍ବତନ ପାକିସ୍ତାନୀ ଦ୍ରୁତ ବୋଲର ସୋଏବ ଅଖତର । ଅଖତର କହିଛନ୍ତି ଯେ ବିରାଟ କୋହଲିଙ୍କ ଦଳ ପାକିସ୍ତାନର ସର୍ବନିମ୍ନ ସ୍କୋରଠାରୁ ମଧ୍ୟ କମରେ ଅଲଆଉଟ ହେବା ନେଇ ସେ ବହୁତ ଖୁସି ।
Sambad is now on WhatsApp
Join and get latest news updates delivered to you via WhatsApp
୨୦୧୩ରେ ଜୋହାନ୍ସବର୍ଗଠାରେ ଦକ୍ଷିଣଆଫ୍ରିକା ବିପକ୍ଷ ଟେଷ୍ଟରେ ପାକିସ୍ତାନ ୪୯ରନରେ ଅଲଆଉଟ ହୋଇଯାଇଥିଲା । ପାକିସ୍ତାନର ଏହି ଲଜ୍ଜାଜନକ ରେକର୍ଡକୁ ଭାରତ ଭାଙ୍ଗିଥିବାରୁ ସେ ବହୁତ ଖୁସି ବୋଲି ଅଖତର କହିଛନ୍ତି । ଏପରି ଲଜ୍ଜାଜନକ ପ୍ରଦର୍ଶନ ପାଇଁ ଭାରତକୁ ତୀବ୍ର ସମାଲୋଚନାର ସମ୍ମୁଖୀନ ହେବାକୁ ପଡ଼ିବ ବୋଲି ସେ କହିଛନ୍ତି ।
This will not be forgotten easily. Must come back very strongly from here. Theek thaak phentii pari hai. #INDvsAUS pic.twitter.com/jgLYgZ5xNV
— Shoaib Akhtar (@shoaib100mph) December 19, 2020
ଅଖତର କହିଛନ୍ତି, ସେ ଗତ କାଲି ମ୍ୟାଚ ଦେଖନଥିଲେ । କିନ୍ତୁ ଟିଭି ଖୋଲିବାବେଳକୁ ସ୍କୋର ଦେଖି ଭାବିଲେ ଯେ ଭାରତ ୩୬୯ କରି ନିଜ ସ୍ଥିତିକୁ ସୁଦୃଢ କରିନେଇଛି । ପରେ ଟିଭି ସ୍କ୍ରିନକୁ ନିରୀଖେଇ ଦେଖିବା ପରେ ଜଣାପଡ଼ିଲା ଯେ ତାହା ୩୬୯ ନଥିଲା ବରଂ ତାହା ଥିଲା ୩୬-୯ । ତେବେ ବିଶ୍ବର ସବୁଠାରୁ ଶକ୍ତିଶାଳୀ ବ୍ୟାଟିଂ ଲାଇନଅପ ଭାରତୀୟ ବ୍ୟାଟିଂର ଏପରି ଦୁରାବସ୍ଥା ଏକ ଭଲ ଖବର ନୁହେଁ ବୋଲି ସେ ସ୍ବୀକାର କରିଛନ୍ତି ।
ସୂଚନାଯୋଗ୍ୟ ଯେ, ଆଡିଲେଡ ମ୍ୟାଚକୁ ଅଷ୍ଟ୍ରେଲିଆ ୮ ଓ୍ବିକେଟରେ ଜିତିନେଇଛି ।