ମେଲବୋର୍ଣ୍ଣ : ଅଷ୍ଟ୍ରେଲିଆରେ ଚାଲିଥିବା ଟି-୨୦ ବିଶ୍ବକପ୍ କ୍ରିକେଟରେ ବୁଧବାରିଦନ ଏକ ବଡ଼ ଓଲଟପାଲଟ ହୋଇଛି । ମେଲବୋର୍ଣ୍ଣ କ୍ରିକେଟ ଗ୍ରାଉଣ୍ଡଠାରେ ଚାଲିଥିବା ସୁପର-୧୨ର ଏକ ମ୍ୟାଚରେ ଆୟର୍ଲାଣ୍ଡ ୨୦୧୦ର ବିଶ୍ବ ଚାମ୍ପିଅନ ଇଂଲଣ୍ଡକୁ ୫ ରନରେ ହରାଇ ଦେଇଛି ।
Sambad is now on WhatsApp
Join and get latest news updates delivered to you via WhatsApp
ତେବେ ବର୍ଷା ବାଧକ ଏହି ମ୍ୟାଚରେ ଡକଓ୍ବର୍ଥ ଲୁଇସ୍ ମେଥଡ୍( ଡିଏଲ ମେଥଡ୍) ଅନୁସାରେ ଆୟର୍ଲାଣ୍ଡକୁ ବିଜେତା ଘୋଷଣା କରାଯାଇଥିଲା ।
ଏହି ମ୍ୟାଚରେ ଇଂଲଣ୍ଡ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରି ଆୟର୍ଲାଣ୍ଡ ୧୯.୨ ଓଭରରେ ୧୫୭ ରନ କରି ଅଲଆଉଟ ହୋଇଯାଇଥିଲା । ଦଳ ପକ୍ଷରୁ ଅଧିନାୟକ ଆଣ୍ଡ୍ର୍ୟୁ ବାଲବେର୍ନି ସର୍ବାଧିକ ୬୨ ରନ କରିଥିବାବେଳେ ଲୋରକାନ ଟକର ୩୪ରନ କରିଥିଲେ । ଇଂଲଣ୍ଡ ପକ୍ଷରୁ ଲିଆମ ଲିଭିଙ୍ଗଷ୍ଟୋନ ଓ ମାର୍କ ଉଡ୍ ୩ଟି ଲେଖାଏଁ ଏବଂ ସାମ କୁରାନ ୨ଟି ଓ୍ବିକେଟ ନେଇଥିଲେ ।
୧୫୮ରନର ବିଜୟ ଲକ୍ଷ୍ୟ ଇଂଲଣ୍ଡ ପାଇଁ ସହଜ ଜଣାପଡ଼ୁଥିଲେ ବି ଦଳ ଆରମ୍ଭରୁ ଜସ ବଟଲର ଓ ଆଲେକ୍ସ ହେଲ୍ସଙ୍କ ଓ୍ବିକେଟ ହରାଇ ସଂକଟରେ ପଡ଼ିଯାଇଥିଲା । ପରେ ଡାଓ୍ବିଡ୍ ମଲାନ ଓ ହ୍ୟାରି ବ୍ରୁକ୍ସ ଦଳୀୟ ସ୍ଥିତିକୁ ସମ୍ଭାଳି ନେଇଥିଲେ । ମଲାନ ୩୫ ରନ କରି ଆଉଟ ହୋଇଥିଲେ । ବ୍ରୁକ ୧୮ ରନ ଓ ବେନ ଷ୍ଟେକ୍ସ ମାତ୍ର ୬ ରନ କରି ଆଉଟ ହୋଇଥିଲେ ।
ଦଳୀୟ ସ୍କୋର ୫ ଓ୍ବିକେଟରେ ୧୦୫ ରନ ହୋଇଥିବାବେଳେ ବର୍ଷା ହୋଇଥିଲା ଓ ଡକଓ୍ବର୍ଥ ଲୁଇସ୍ ମେଥଡ୍( ଡିଏଲ ମେଥଡ୍) ଅନୁସାରେ ଆୟର୍ଲାଣ୍ଡକୁ ବିଜେତା ଘୋଷଣା କରାଯାଇଥିଲା । ଆରମ୍ଭରୁ ଓ୍ବିକେଟ ହରାଇବା ଦଳ ପାଇଁ ମହଙ୍ଗା ପଡ଼ିଯାଇଥିଲା ।