ଅଂଶୁମାନ ସ୍ମାରକୀ କ୍ରିକେଟ୍ ସେମିରେ ପୂର୍ବ ରେଳବାଇ
ଧର୍ମଶାଳା/ଚଢ଼େଇଧରା: ଧର୍ମଶାଳା ମହୋତ୍ସବ ପଡ଼ିଆରେ ଚାଲିଥିବା ଅଂଶୁମାନ ସ୍ମାରକୀ କ୍ରିକେଟ୍ ପ୍ରତିଯୋଗିତାର ସେମିଫାଇନାଲ୍ରେ ପୂର୍ବ ରେଳବାଇ (ଆସାନସୋଲ) ପହଞ୍ଚିଯାଇଛି। ଶନିବାର ମ୍ୟାଚ୍ରେ ରେଳବାଇ ଦଳ କସ୍ମୋ କ୍ଲବ୍ (ଝାଡ଼ଖଣ୍ଡ)କୁ ୪ ଓ୍ଵିକେଟ୍ରେ ପରାସ୍ତ କରିଥିଲା।
Sambad is now on WhatsApp
Join and get latest news updates delivered to you via WhatsApp
ଝାଡ଼ଖଣ୍ଡ ଦଳ ପ୍ରଥମେ ବ୍ୟାଟିଂ କରି ୨୬.୪ ଓଭରରେ ୨୦୪ ରନ୍ରେ ସମସ୍ତ ଓ୍ଵିକେଟ୍ ହରାଇଥିଲା। ରାକେଶ ପଟ୍ଟନାୟକ ୮୦ ରନ୍ କରିଥିଲେ। ରେଳବାଇ ଦଳର ତୀର୍ଥାଙ୍କର ଭଣ୍ଡାରି ୩ ଓ୍ଵିକେଟ୍ ନେଇଥିିଲେ। ଜବାବରେ ରେଳବାଇ ଦଳ ୨୪ ଓଭରରେ ୬ ଓ୍ଵିକେଟ୍ ହରାଇ ୨୦୯ ରନ୍ କରି ବିଜୟୀ ହୋଇଥିଲା। ତନ୍ମୟ ପରମାଣିକ ଅପରାଜିତ ୫୭ ରନ୍ କରିଥିଲେ। ବିପକ୍ଷ ଦଳର ରାକେଶ ପଟ୍ଟନାୟକ ୨ ଓ୍ଵିକେଟ୍ ନେଇଥିଲେ। ଅବସରପ୍ରାପ୍ତ ଜିଲ୍ଲା ମୁଖ୍ୟ ସ୍ୱାସ୍ଥ୍ୟ ଅଧିକାରୀ ବିଜୟ କୁମାର ଶତପଥୀ ମ୍ୟାଚ୍ର ଶ୍ରେଷ୍ଠ ଖେଳାଳି ଭାବେ ତନ୍ମୟ ପରମାଣିକଙ୍କୁ ପୁରସ୍କୃତ କରିଥିଲେ। ରମେଶ ମହାରଣା ଓ ଜଗନ୍ନାଥ ଦାସ ମ୍ୟାଚ୍ ପରିଚାଳନା କରିଥିଲେ। ଆସନ୍ତା ସୋମବାର ଦ୍ଵିତୀୟ ସେମିଫାଇନାଲ ମ୍ୟାଚ୍ ଖେଳାଯିବ।