ସାଉଥମ୍ପଟନ୍ରେ ଝଲକ ଛାଡ଼ିଲେ ଅନୁଷ୍କା
ଲଣ୍ଡନ: ବିଶ୍ବ ଟେଷ୍ଟ୍ ଚାମ୍ପିଅନ୍ସିପ୍ ଫାଇନାଲ୍ ଏବଂ ଘରୋଇ ଦଳ ବିପକ୍ଷ ଟେଷ୍ଟ୍ ଶୃଙ୍ଖଳା ଖେଳିବା ଲାଗି ସଂପ୍ରତି ଭାରତୀୟ ଦଳ ଇଂଲଣ୍ଡରେ ରହିଛି। ଭାରତୀୟ ଅଧିନାୟକ ବିରାଟ କେହଲିଙ୍କ ସହ ତାଙ୍କ ଅଭିନେତ୍ରୀ ପତ୍ନୀ ଅନୁଷ୍କା ଶର୍ମା ମଧ୍ୟରେ ସେଠାରେ ଅଛନ୍ତି। ବୁଧବାର ଅନୁଷ୍କା ନିଜ ପ୍ରଶଂସକଙ୍କ ପାଇଁ ଇନ୍ଷ୍ଟାଗ୍ରାମରେ ସାଉଥାମ୍ପଟନ୍ ମୌସମର ଏକ ଭିଡିଓ ଛାଡ଼ିଛନ୍ତି। ଏହି ସୁନ୍ଦର ଭିଡିଓରେ ମେଘୁଆ ପାଗର ଇମୋଜି ସହ ଶିରୋନାମାରେ ଲେଖିଛନ୍ତି ଯେ ‘‘ଏହି ପରି ଇଂଲିସ ଗ୍ରୀଷ୍ମ’’।
Sambad is now on WhatsApp
Join and get latest news updates delivered to you via WhatsApp
ଚଳିତ ମାସ ୩ ତାରିଖରେ ଅନ୍ୟ ଭାରତୀୟ ଖେଳାଳିଙ୍କ ସହ ଅନୁଷ୍କା ଓ ବିରାଟ ମୁମ୍ବାଇରୁ ଇଂଲଣ୍ଡ ଗସ୍ତ କରିଥିଲେ। ଶନିବାର ଅନୁଷ୍କା ଏଜେସ୍ବାଉଲ୍ ଷ୍ଟାଡିୟମରେ ଥିବା ବେଳର ନିଜର ଫଟୋ ପୋଷ୍ଟ କରିଥିଲେ। ଯାହା ସାମାଜିକ ଗଣମାଧ୍ୟମରେ କିଛି ସମୟ ମଧ୍ୟରେ ଭାଇରାଲ ହୋଇଯାଇଥିଲା। ମ୍ୟାଚ୍ ଭେନ୍ୟୁରେ ପହଞ୍ଚିବା ପରେ ଭାରତୀୟ ଅଧିନାୟକ କୋହଲି ପଡ଼ିଆ ସହ ନିଜର ଫଟୋ ବି ସାମାଜିକ ଗଣମାଧ୍ୟମରେ ପୋଷ୍ଟ କରିଥିଲେ। ସୂଚନାଯୋଗ୍ୟ ଯେ ନ୍ୟୁଜିଲାଣ୍ଡ ବିପକ୍ଷ ଏହି ଫାଇନାଲ୍ ସାଉଥାମ୍ପଟନରେ ଆସନ୍ତା ୧୮ରୁ ୨୩ ତାରିଖ ପର୍ଯ୍ୟନ୍ତ ଖେଳାଯିବ। ଏଥିରେ ଗୋଟିଏ ରିଜର୍ଭ ଡେ ରହିଛି।