ଭୁବନେଶ୍ବର: କଳିଙ୍ଗ ଷ୍ଟାଡିୟମ୍‌ରେ ଖେଳାଯାଇଥିବା କନିଷ୍ଠ ପୁରୁଷ ହକି ବିଶ୍ବକପ୍‌ର ମେଗାଫାଇନାଲ୍ ରବିବାର ଜର୍ମାନିକୁ ୪-୨ ଗୋଲରେ ହରାଇ ଆର୍ଜେଣ୍ଟିନା ଟ୍ରଫି ବିଜୟ ହାସଲ କରିଛି। ଏହି ହାଇଭୋଲଟେଜ୍ ଟ୍ରଫି ପାଇଁ ୟୁରୋପୀୟ ଶକ୍ତି ତଥା ପ୍ରତିଯୋଗିତାର ସଫଳତମ ଦଳ ଜର୍ମାନିକୁ ଲାଟିନ୍ ଆମେରିକୀୟ ଦେଶ ଆର୍ଜେଣ୍ଟିନାକୁ ମୁକାବିଲା କରିବାକୁ ବହୁ ପରିଶ୍ରମ କରିବାକୁ ପଡ଼ିଥିଲା। କିନ୍ତୁ ଆର୍ଜେଣ୍ଟିନାର ଖେଳାଳିମାନେ ଏକ ବଡ଼ ମିଶନ ନେଇ ଖେଳୁଥିଲେ।

Advertisment

ଜର୍ମାନିର ସପ୍ତମ ବିଶ୍ବକପ୍ ଟ୍ରଫି ଲକ୍ଷ୍ୟ ବିଫଳ ହୋଇଥିବା ବେଳେ ଆର୍ଜେଣ୍ଟିନା ଦ୍ବିତୀୟ ଥର ବିଶ୍ବକପ୍ ଟ୍ରଫି ହାସଲ କରିଛି। ଉଭୟ ଦଳ ଭିନ୍ନ ରଣନୀତି ଓ କୌଶଳରେ ଖେଳୁଥିବାରୁ ଫାଇନାଲ୍ ବେଶ୍ ସଂଘର୍ଷପୂର୍ଣ୍ଣ ଓ ଉତ୍କଣ୍ଠାପୂର୍ଣ୍ଣ ହୋଇଥିଲା।