ଏସୀୟ ମୁଷ୍ଟିଯୁଦ୍ଧ, ମେରିକମ ରୌପ୍ୟରେ ସନ୍ତୁଷ୍ଟ
ଦୁବାଇ: ଏସୀୟ ମୁଷ୍ଟିଯୁଦ୍ଧ ପ୍ରତିଯୋଗିତା ଫାଇନାଲ୍ରେ ଝୁଣ୍ଟିଛନ୍ତି ୬ ଥରର ବିଶ୍ବବିଜୟିନୀ ଏମ୍ସି ମେରିକମ୍। ରବିବାର ତୀବ୍ର ସଂଘର୍ଷପୂର୍ଣ୍ଣ ୫୧ କେଜି ବର୍ଗ ଫାଇନାଲ୍ରେ ସେ ୨-୩ରେ କାଜଖସ୍ତାନର ନାଜିମ କିଜାଇବେଙ୍କଠୁ ହାରିଯାଇଥିଲେ। ଫଳରେ ଏହି କିଂବଦନ୍ତି ଭାରତୀୟ ମୁଷ୍ଟିଯୋଦ୍ଧା ରୌପ୍ୟ ପଦକରେ ସନ୍ତୁଷ୍ଟ ରହିଥିଲେ। ଏହି ପ୍ରତିଯୋଗିତାରେ ମେରିକମ୍ଙ୍କ ଏହା ସପ୍ତମ ପଦକ। ସେମିଫାଇନାଲ୍ରେ ମେରିକମ୍ ଲୁତ୍ସାଇଖାନ ଆଲ୍ଟାତ୍ସେଗଙ୍କୁ ପରାସ୍ତ କରି ଫାଇନାଲ୍ରେ ପହଞ୍ଚିଥିଲେ।