ମେଲବୋର୍ଣ୍ଣ : ପ୍ରଥମ ଟେଷ୍ଟରେ ଅଷ୍ଟ୍ରେଲିଆଠାରୁ ଶୋଚନୀୟ ପରାଜୟ ବରଣ କରିଥିବା ଭାରତୀୟ ଦଳ ୨ୟ ଟେଷ୍ଟର ପ୍ରଥମ ଦିନରେ ହିଁ କଙ୍ଗାରୁ ଦଳକୁ ୧୯୫ ରନରେ ଅଲଆଉଟ୍ କରିଦେଇଛି ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ ଆଜିକୁ ଠିକ ୧୭ ବର୍ଷ ତଳେ ପୂର୍ବତନ ବିସ୍ଫୋରକ ଓପନର ବୀରେନ୍ଦ୍ର ସେହଓ୍ବାଗ ମେଲବୋର୍ଣ୍ଣଠାରେ ଇତିହାସ ସୃଷ୍ଟି କରିଥିଲେ । ୨୦୦୩ ଡିସେମ୍ବର ୨୬ରେ ମେଲବୋର୍ଣ୍ଣ କ୍ରିକେଟ୍ ଗ୍ରାଉଣ୍ଡ (ଏମସିଜି)ଠାରେ ଖେଳାଯାଇଥିବା ଭାରତ-ଅଷ୍ଟ୍ରେଲିଆ ମ୍ୟାଚରେ ସେହଓ୍ବାଗ ଏକାକି ୧୯୫ ରନ କରିଥିଲେ । ନିଜର ଏହି ବୀରତ୍ବପୂର୍ଣ୍ଣ ଇନିଂସରେ ସେ ୨୩୩ ବଲ ଖେଳି ୫ଟି ଛକା ଓ ୨୫ଟି ଚୌକା ମାରିଥିଲେ । ତେବେ ନିଜର ସ୍କୋର ୧୯୫ ହୋଇଥିବା ବେଳେ ସେହଓ୍ବାଗ ଏକ ଛକା ମାରିବାକୁ ଯାଇ ବ୍ରାକେନଙ୍କ ହାତରେ ଧରା ପଡ଼ିଥିଲେ । ଏହି ମ୍ୟାଚରେ ଭାରତ ପରାଜୟ ବରଣ କରିଥିଲେ ମଧ୍ୟ ସେହଓ୍ବାଗଙ୍କ ଲଢୁଆ ଇନିଂସ ଇତିହାସରେ ଲିପିବଦ୍ଧ ହୋଇ ରହିଯାଇଥିଲା ।
Start of the #BoxingDayTest at MCG in 6 hours from now. Have great memories of my first visit to Australia.
Missed the 6 by 5 yards , but most importantly wish we had won this.
Best wishes to Team India. pic.twitter.com/acnaIzIXin— Virender Sehwag (@virendersehwag) December 25, 2020
ନିଜର ଏହି ଇନିଂସକୁ ସେହଓ୍ବାଗ ଟ୍ବିଟ କରି ସ୍ମୃତିଚାରଣ କରିଛନ୍ତି । ସେ ଲେଖିଛନ୍ତି ଯେ ଆଜିର ଦିନରେ ତାଙ୍କ ପ୍ରଥମ ଅଷ୍ଟ୍ରେଲିଆ ଗସ୍ତର ଅନେକ ଅଭୁଲା ସ୍ମୃତି ରହିଛି । ମାତ୍ର ୫ ୟାର୍ଡ ପାଇଁ ଏକ ଛକାରୁ ସେ ବଞ୍ଚିତ ହୋଇଥିଲେ (ଓ ଆଉଟ ହୋଇଥିଲେ) । କିନ୍ତୁ ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଲା ଭାରତ ଉକ୍ତ ମ୍ୟାଚ ଜିତିଥିଲେ ଭଲ ହୋଇଥାନ୍ତା ବୋଲି ସେ ଲେଖିଛନ୍ତି।