ଲର୍ଡ୍ସ, : ଆସେସ୍‌ ଶୃଙ୍ଖଳାର ଦ୍ବିତୀୟ ଟେଷ୍ଟ୍‌ରେ ମଧ୍ୟ ବିଶ୍ବ ବିଜେତା ଅଷ୍ଟ୍ରେଲିଆ ବିଜୟୀ‌ ‌ହୋଇଛି। ଐତିହାସିକ ଲର୍ଡସ ପଡ଼ିଆରେ ରବିବାର ପଞ୍ଚମ ତଥା ଅନ୍ତିମ ଦିବସର କଙ୍ଗାରୁ ଦଳ ୪୩ ରନ୍‌ରେ ଘରୋଇ ଇଂଲଣ୍ଡକୁ ହରାଇ ଦେଇଛି। ଇଂଲଣ୍ଡ ସମ୍ମୁଖରେ ୩୭୧ ରନ୍‌ ବିଜୟ ଲକ୍ଷ୍ୟ ଧାର୍ଯ୍ୟ ହୋଇଥିବାବେଳେ ଉତ୍କଣ୍ଠାପୂର୍ଣ୍ଣ ଶେଷ ଦିବସରେ ଏହି ଦଳ ୩୨୭ ରନ୍‌ରେ ସମସ୍ତ ୱିକେଟ୍ ହରାଇ ଦେଇଥିଲା। ଅଧିନା‌ୟକ ବେନ୍ ‌ଷ୍ଟୋକ୍ସ ସାହସିକ ଭାବେ ୧୫୫ ରନ୍‌ର ପାଳି ଖେଳିଥିଲେ ମଧ୍ୟ ଇଂଲଣ୍ଡକୁ ବିଜୟ ପର୍ଯ୍ୟନ୍ତ ନେଇପାରିନଥିଲେ। ଷ୍ଟିଭେନ୍ ସ୍ମିଥ୍ (୧୧୦ ଓ ୩୪) ମ୍ୟାଚ୍‌ର ଶ୍ରେଷ୍ଠ ଖେଳାଳି ବିବେଚିତ ହୋଇଥିଲେ। ଗୁରୁବାରଠାରୁ ତୃତୀୟ ଟେଷ୍ଟ୍‌ ଖେଳାଯିବ।