ପତ୍ନୀ ସମେତ ୩ ଶିଶୁଙ୍କୁ କାରରେ ଜିଅନ୍ତା ପୋଡ଼ି ଆତ୍ମହତ୍ୟା କଲେ ଏହି ଖେଳାଳି
ନୂଆଦିଲ୍ଲୀ: ଅଷ୍ଟ୍ରେଲିଆରେ ଏକ ଦୁଃଖଦ ଖବର ସାମ୍ନାକୁ ଆସିଛି | ଜଣେ ପୂର୍ବତନ ଖେଳାଳି ନିଜର ପତ୍ନୀଙ୍କ ସମେତ ତିନିଜଣ ସନ୍ତାନଙ୍କୁ ଜିଅନ୍ତା ଜାଳି ହତ୍ୟା କରିବା ପରେ ଆତ୍ମହତ୍ୟା କରିଛନ୍ତି | ଏହି ଘଟଣାକୁ ନେଇ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ ମରିସନ କହିଛନ୍ତି ଯେ ଏହି ଘଟଣାକୁ ନେଇ ସମ୍ପୂର୍ଣ୍ଣ ଅଷ୍ଟ୍ରେଲିଆ ଶୋକରେ ଅଛି |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ଅଷ୍ଟ୍ରେଲିଆର ପୂର୍ବତନ ରଗବି ଖେଳାଳି ରୋବେନ ବେକସଟର ୩୧ ବର୍ଷୀୟ ପତ୍ନୀ ହେନାଙ୍କ ସହ ତିନିଜଣ ସନ୍ତାନଙ୍କୁ କାରରେ ବନ୍ଦ କରି ନିଆଁ ଲଗାଇ ଦେଇଥିଲେ | ସେମାନଙ୍କ ମୃତ୍ୟୁ ପରେ ରୋବେନ ଆତ୍ମହତ୍ୟା କରିଥିଲେ | ଆଜି ସକାଳ ୮ଟା ସମୟରେ ଅଷ୍ଟ୍ରେଲିଆର ବ୍ରିସବେନ ଅଂଚଳରେ ଏକ କାର ବିସ୍ଫୋରଣ ହୋଇଥିବାର ପ୍ରତ୍ୟକ୍ଷଦର୍ଶୀ ଦେଖିଥିଲେ | ଏହା ପରେ ଦମକଳ ବାହିନୀକୁ ଖବର ଦିଆଯାଇଥିଲା |
ନିଆଁ ଲିଭାଜିବା ପରେ କାରରେ ହେନାଙ୍କ ସମେତ ୩ ସନ୍ତାନଙ୍କ ଜୀବନ୍ତ ଦଗ୍ଧ ମୃତ ଦେହ ଦେଖିବାକୁ ମିଳିଥିଲା | ପରେ ରୋବେନଙ୍କୁ ତାଙ୍କ ଘରୁ ଗୁରୁତର ଅବସ୍ଥାରେ ଉଦ୍ଧାର କରାଯାଇଥିଲା | ଏହା ପରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲେ ବି ସେଠାରେ ତାଙ୍କର ମୃତ୍ୟୁ ହୋଇଥିଲା | କିନ୍ତୁ ମୃତ୍ୟୁ ପୂର୍ବରୁ ସେ ହିଁ କାରରେ ନିଆଁ ଲଗାଇଦେଇଥିବାର ସ୍ୱୀକାର କରିଥିଲେ | ତେବେ ଏଭଳି ନାରକୀୟ କାଣ୍ଡ ପଛରେ ପାରିବାରିକ କଳହ ହିଁ ମୁଖ୍ୟ ଥିଲା ବୋଲି ପୁଲିସ କହିଛି | କାରଣ ରୋବେନ ଓ ତାଙ୍କ ପତ୍ନୀଙ୍କ ମଧ୍ୟରେ କଳହକୁ ନେଇ କୋର୍ଟରେ କେସ ଚାଲିଥିଲା |