ବାଙ୍ଗାଲୋର ଓପିଏଲ୍: ୨୦ରେ କ୍ୱାର୍ଟର ଫାଇନାଲ୍
କଟକ-ସମ୍ବଲପୁର, ଭୁବନେଶ୍ୱର-ଚିଲିକା, କେନ୍ଦ୍ରାପଡ଼ା-ଜଗତ୍ସିଂହପୁର ମୁହାଁମୁହିଁ
ଭୁବନେଶ୍ୱର: ଓଡ଼ିଶା ୟୁଥ୍ ବାଙ୍ଗାଲୋର ଆନୁକୂଲ୍ୟରେ ଏଥେନା ସ୍ପୋର୍ଟସ୍ କ୍ଲବ୍ ପଡ଼ିଆରେ ଚାଲିଥିବା ଓଡ଼ିଶା ପ୍ରିମିୟର ଲିଗ୍ (ଓପିଏଲ୍) କ୍ରିକେଟ୍ ପ୍ରତିଯୋଗିତାର ଲିଗ୍ ପର୍ଯ୍ୟାୟ ରବିବାର ଶେଷ ହୋଇଛି। ଲିଗ୍ ପର୍ଯ୍ୟାୟ ଶେଷରେ ୬ ଦଳ ନକ୍ଆଉଟ୍ ତଥା କ୍ୱାର୍ଟର ଫାଇନାଲ୍କୁ ଯୋଗ୍ୟତା ହାସଲ କରିଛନ୍ତି। ଆସନ୍ତା ୨୦ ତାରିଖ କ୍ୱାର୍ଟର ଫାଇନାଲ୍ରେ କଟକ ବାରବାଟୀ-ସମ୍ବଲପୁର ଭିଏସ୍ଏଲ୍, ଭୁବନେଶ୍ୱର ବାଉନ୍ସର୍ସ-ଚିଲିକା ଏକାଦଶ ଏବଂ କେନ୍ଦ୍ରାପଡ଼ା ଡ୍ରାଗନ୍ସ-ଜଗତ୍ସିଂହପୁର କଳିଙ୍ଗାସ୍ ମୁହାଁମୁହିଁ ହେବେ। ଏହି ପର୍ଯ୍ୟାୟର ଶ୍ରେଷ୍ଠ ଦଳ ସିଧାସଳଖ ଫାଇନାଲ୍ ଯୋଗ୍ୟତା ହାସଲ କରିବାକୁ ଥିଲା ବେଳେ ଅବଶିଷ୍ଟ ୨ ବିଜେତା ଦଳ ସେମିଫାଇନାଲ୍ ଖେଳିବେ। ଫାଇନାଲ୍ ୨୧ ତାରିଖରେ ଖେଳାଯାଇ ପ୍ରତିଯୋଗିତା ଉଦ୍ଯାପିତ ହେବ।
Sambad is now on WhatsApp
Join and get latest news updates delivered to you via WhatsApp
ରବିବାର ଖେଳାଯାଇଥିବା ଶେଷ ଦୁଇଟି ଲିଗ୍ ମ୍ୟାଚ୍ରେ ବ୍ରହ୍ମପୁର ବ୍ରେଭ୍ସ ଓ ଭୁବନେଶ୍ୱର ବିଜୟୀ ହୋଇଥିଲେ। ବ୍ରହ୍ମପୁର (୨୦ ଓଭରରେ ୧୫୮/୮) ୧୩ ରନ୍ରେ କେନ୍ଦ୍ରାପଡ଼ା (୧୪୫/୮)କୁ ପରାସ୍ତ କରିଥିଲା ବେଳେ ଭୁବନେଶ୍ୱର (୨୦ ଓଭରରେ ୧୯୬/୨) ୭୯ ରନ୍ରେ କାକଟପୁର ମଙ୍ଗଳା ଓ୍ଵାରିଅର୍ସ (୧୯.୨ ଓଭରରେ ୧୧୭)କୁ ପରାସ୍ତ କରିଥିଲା। ପ୍ରଥମ ମ୍ୟାଚ୍ରେ ନନ୍ଦୀଶ ରାୟ (୩୫ ବଲ୍ରୁ ୫୧) ଏବଂ ଦ୍ୱିତୀୟ ମ୍ୟାଚ୍ରେ ମଞ୍ଜୁନାଥ ଭି (୭୯ ବଲ୍ରୁ ଅପରାଜିତ ୧୬୦, ୨୦ ଚୌକା, ୯ ଛକା) ଶ୍ରେଷ୍ଠ ଖେଳାଳି ପୁରସ୍କାର ପାଇଥିଲେ।