ଟି-୨୦ ବିଶ୍ବକପ : ବାଂଲାଦେଶର ବ୍ୟାଟିଂ ବିପର୍ଯ୍ୟୟ, ଦକ୍ଷିଣ ଆଫ୍ରିକା ଆଗରେ ୮୫ରନର ଲକ୍ଷ୍ୟ
ଆବୁଧାବି : ଆବୁଧାବିଠାରେ ଖେଳାଯାଉଥିବା ଟି୨୦ ବିଶ୍ବକପ ଗ୍ରୁପ-୧ର ଏକ ମ୍ୟାଚରେ ଦକ୍ଷିଣ ଆଫ୍ରିକା ଆଗରେ ୮୫ରନର ବିଜୟ ଲକ୍ଷ୍ୟ ରଖିଛି ବାଂଲାଦେଶ ।
Sambad is now on WhatsApp
Join and get latest news updates delivered to you via WhatsApp
ଏହି ମ୍ୟାଚରେ ଦକ୍ଷିଣ ଆଫ୍ରିକା ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରିଥିବା ବାଂଲାଦେଶ ଆରମ୍ଭରୁ ହିଁ ଓ୍ବିକେଟ ହରାଇ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା । ଇନିଂସ ଶେଷ ପର୍ଯ୍ୟନ୍ତ ଦଳ ଏହି ବିପର୍ଯ୍ୟୟରୁ ଉଦ୍ଧାର ପାଇପାରିନଥିଲା । ସ୍କୋର ୨୨ ରନ ହୋଇଥିବାବେଳେ ବାଂଲାଦେଶ ଦୁଇଟି ଓ୍ବିକେଟ ହରାଇଥିଲା । ସେହିପରି ସ୍କୋର ୩୪ ହୋଇଥିବାବେଳେ ପୁଣି ଥରେ ଲଗାତାର ୨ଟି ଓ ସ୍କୋର ୮୪ ହୋଇଥିବା ବେଳେ ଶେଷ ଦୁଇ ଓ୍ବିକେଟ ହରାଇ ଅଲଆଉଟ ହୋଇଯାଇଥିଲା । ଦକ୍ଷିଣ ଆଫ୍ରିକା ପକ୍ଷରୁ ରବାଡା ଓ ନରଜି ୩ଟି ଲେଖାଏଁ ଓ୍ବିକେଟ ନେଇଥିଲେ ।
ଆଜିର ଲଜ୍ଜାଜନକ ପ୍ରଦର୍ଶନ ସହ ଚଳିତ ବିଶ୍ବକପରେ ବାଂଲାଦେଶର ନୈରାଶ୍ୟଜନକ ଖେଳ ଜାରି ରହିଛି । ଦଳ ଏପର୍ଯ୍ୟନ୍ତ ୩ଟି ମ୍ୟାଚ ଖେଳିଥିବାବେଳେ ଗୋଟିଏ ମ୍ୟାଚ ବି ଜିତିପାରିନାହିଁ । ଫଳରେ ଗ୍ରୁପ-୧ ପଏଣ୍ଟ ଟେବୁଲର ସବୁଠାରୁ ତଳେ ରହିଛି ବାଂଲାଦେଶ ଦଳ ।