ବ୍ରିଷ୍ଟଲ୍: ତୃତୀୟ ଦିନିକିଆରେ ପାକିସ୍ତାନକୁ ଇଂଲଣ୍ଡ ୬ ୱିକେଟ୍ରେ ହରାଇ ଦେଇଛି। ପାକିସ୍ତାନ ପକ୍ଷରୁ ଧାର୍ଯ୍ୟ ୩୫୯ ରନ୍ ବିଜୟ ଲକ୍ଷ୍ୟକୁ ଇଂଲଣ୍ଡ ୫ ଓଭର ପୂର୍ବରୁ ୪ ୱିକେଟ୍ ବିନିମୟରେ ହାସଲ କରି ନେଇଥିଲା। ଏଥି ସହିତ ଇଂଲଣ୍ଡ ୫ ମ୍ୟାଚ୍ ଶୃଙ୍ଖଳାରେ ମଧ୍ୟ ୨-୦ରେ ଆଗୁଆ ହୋଇଛି।
ପ୍ରାରମ୍ଭିକ ବ୍ୟାଟସମ୍ୟାନ୍ ଇମାମ୍ ଉଲ୍ ହକ୍ (୧୫୧, ୧୩୧ ବଲ୍, ୧୬ ଚୌକା, ୧ ଛକା)ଙ୍କ ଶତକ ବଳରେ ପାକିସ୍ତାନ ୫୦ ଓଭରରେ ୯ ୱିକେଟ୍ ହରାଇ ୩୫୮ ରନ୍ କରିଥିଲା।
Sambad is now on WhatsApp
Join and get latest news updates delivered to you via WhatsApp
ଅନ୍ୟମାନଙ୍କ ମଧ୍ୟରେ ଅସିଫ୍ ଅଲୀ (୫୨, ୪୩ ବଲ୍) ଏବଂ ହାରିସ୍ ସୋହେଲ (୪୧, ୪୧ ବଲ୍) ଭଲ ଖେଳିଥିଲେ। ଇଂଲଣ୍ଡ ପକ୍ଷରୁ କ୍ରିସ୍ ୱକ୍ସ (୪/୬୭), ଟିମ୍ କରନ୍ (୨/୭୪), ଲିଆମ୍ ପ୍ଲଙ୍କେଟ (୧/୫୫), ଡେଭିଡ୍ ୱିଲି (୧/୮୬) ୱିକେଟ୍ ବାଣ୍ଟିଥିଲେ। ଜବାବରେ ଇଂଲଣ୍ଡର ପ୍ରାରମ୍ଭିକ ଯୋଡ଼ି ଜାସନ୍ ରୟ (୭୬, ୫୫ ବଲ, ୮ ଚୌକା, ୫ ଛକା) ଏବଂ ଜନି ବେୟାରଷ୍ଟୋ (୧୨୮, ୯୩ ବଲ୍, ୧୫ ଚୌକା, ୫ ଛକା) ଶତକୀୟ ଭାଗୀଦାରି କରି ଦୃଢ଼ ମୂଳଦୁଆ ପକାଇଥିଲେ। ୧୭.୩ ଓଭରରେ ୧୫୯ ରନ୍ କରିଥିଲେ। ଏହା ପରେ ଜୋ ରୁଟ୍ (୪୩, ୩୬ ବଲ୍), ବେନ୍ ଷ୍ଟୋକ୍ସ (୩୭, ୩୮ ବଲ୍) ଭଲ ଖେଳିଥିଲେ। ମୋଇନ୍ ଅଲୀ (୪୬*, ୩୬ ବଲ୍) ଏବଂ ମୋର୍ଗାନ (୧୭*) ଇଂଲଣ୍ଡକୁ ବିଜୟୀ କରାଇଥିଲେ। ଘରୋଇ ଦଳ ୪୪.୫ ଓଭରରେ ୪ ୱିକେଟ୍ ବିମିମୟରେ ୩୫୯ରନ୍ ସଂଗ୍ରହ କରି ନେଇଥିଲା।