ନୂଆଦିଲ୍ଲୀ: ଭାରତୀୟ କ୍ରିକେଟ୍‌ ଟିମ୍‌ର ତାରକା ୟୁଜବେନ୍ଦ୍ର ଚହଲ ଓ ତାଙ୍କ ପତ୍ନୀ ଧନଶ୍ରୀ ବର୍ମାଙ୍କ ସଂପର୍କ ବିଷୟରେ ଅଳ୍ପବହୁତ ସମସ୍ତଙ୍କୁ ଜଣା ଅଛି। ଧନଶ୍ରୀ ପୂର୍ବରୁ ବି ତାଙ୍କର କିଛି ସୋସିଆଲ୍‌ ମିିଡିଆ ପୋଷ୍ଟ୍‌ ପାଇଁ  ଚର୍ଚ୍ଚାରେ ଅଛନ୍ତି। ଏବେ ପୁଣି ଥ‌ରେ ସେ ତାଙ୍କର ଏକ ସୋସିଆଲ୍‌ ମିଡିଆ ପୋଷ୍ଟ୍‌ ପାଇଁ ଆଲୋଚନାର ପରିସର ଭିତରକୁ ଆସିଛନ୍ତି।

Advertisment

ସେ କେବେ ନିଜ ନୃତ୍ୟ ପ୍ରଦର୍ଶନ ପାଇଁ ତ ପୁଣି କେବେ ଜଣେ କ୍ରିକେଟର୍‌ଙ୍କ ପତ୍ନୀ ଭାବେ ଚର୍ଚ୍ଚାରେ ରହିଥାନ୍ତି। ଏବେ ଜଣାଶୁଣା ୟୁଟ୍ୟୁବର୍‌ ତଥା କୋରିଓଗ୍ରାଫର୍‌ ଧନଶ୍ରୀ ନିଜର କିଛି ଫଟୋକୁ ଇନ୍‌ଷ୍ଟାଗ୍ରାମ୍‌ରେ ସେୟ‌ାର କରିଛନ୍ତି।

ତେବେ ଏହି ସବୁ ଫଟୋରେ ଧନଶ୍ରୀଙ୍କୁ କ୍ରିକେଟର୍‌ମାନେ ବସିଥିବା ଡଗ୍‌ଆଉଟ୍‌ରେ ବସିଥିବାର ଦେଖିବାକୁ ମିଳିଛି। ତେବେ ସେ ଯେତେବେଳେ ଜଣେ କ୍ରିକେଟର୍‌ଙ୍କ ପତ୍ନୀ, ତେଣୁ ଡଗ୍‌ଆଉଟ୍‌ରେ ନଜର ଆସିବା ଅବଶ୍ୟ ତାଙ୍କ ପାଇଁ କିଛି ବଡ଼ କଥା ନୁହେଁ। ହେଲେ ଧନଶ୍ରୀ ବର୍ମା ତାଙ୍କର ଏହି ପୋଷ୍ଟ୍‌ରେ ଏକ ମଜାଦାର କ୍ୟାପ୍‌ସନ୍‌ ଲେଖିଛନ୍ତି। ସେ କ୍ୟାପସନ୍‌ରେ‌ ଲେଖିଛନ୍ତି, ‘ଡଗ୍‌ଆଉଟ୍‌ ଡେବ୍ୟୁ’। ତା’ପରେ ‘ମେ ନେହିଁ ତୋ କୌନ୍‌ ବେ’ ବୋଲି ମଧ୍ୟ ଲେଖିଛନ୍ତି। ଧନଶ୍ରୀଙ୍କ ଏହି ଫଟୋରେ ଏବେ ଅନେକ କମେଣ୍ଟ୍‌ ଦେଖିବାକୁ ମିଳୁଛି।

ନିକଟରେ ବି  ୟୁଜବେନ୍ଦ୍ରଙ୍କ ପତ୍ନୀ ଧନଶ୍ରୀଙ୍କର ଏକ ଇନ୍‌ଷ୍ଟାଗ୍ରାମ୍‌ ପୋଷ୍ଟ୍‌ ଖୁବ୍‌ ଜୋର୍‌ରେ ଭାଇରାଲ୍‌ ହୋଇଥିଲା। ସେ ତାଙ୍କ ପୋଷ୍ଟ୍‌ରେ ଆଇପିଏଲ୍‌ରେ ଭଲ ପ୍ରଦର୍ଶନ ପାଇଁ ସ୍ବାମୀଙ୍କୁ ଶୁଭେଚ୍ଛା ଦେବା ସହ ତାଙ୍କ ଉଦ୍ଦେଶ୍ୟରେ ‘ଲିଜେଣ୍ଡ୍‌’ ବୋଲି ଲେଖିଥିଲେ।