ଅମ୍ପାୟାରଙ୍କ ପାଇଁ ‘ଏ’+ ଗ୍ରେଡ୍ ଲାଗୁ କଲା ବିସିସିଆଇ
ନୂଆଦିଲ୍ଲୀ : ବିସିସିଆଇ ପ୍ରଥମ ଥର ପାଇଁ ଦେଶର ଅମ୍ପାୟାରଙ୍କ ପାଇଁ ‘ଏ’+ ଗ୍ରେଡ୍ ବ୍ୟବସ୍ଥା ପ୍ରଚଳନ କରିଛି। ଆଇସିସି ଏଲିଟ୍ ପ୍ୟାନେଲ୍ ସଦସ୍ୟ ନୀତିନ ମେନନଙ୍କ ସହ ୧୦ ଜଣ ଏଥିରେ ସାମିଲ ହୋଇଛନ୍ତି। ଏହି ଗ୍ରୁପ୍ରେ ଆଉ ୪ ଜଣ ଅନ୍ତର୍ଜାତୀୟ ଅମ୍ପାୟାର୍ ଅନିଲ ଚୌଧୁରୀ, ମଦନଗୋପାଳ ଜୟରମଣ, ବୀରେନ୍ଦର କୁମାର ଶର୍ମା ଏବଂ କେଏନ୍ ଅନନ୍ତପଦ୍ମନାଭନ ରହିଛନ୍ତି। ଅନ୍ୟ ସଦସ୍ୟ ହେଲେ-ରୋହନ ପଣ୍ଡିତ, ନିଖିଳ ପଟ୍ଟବର୍ଦ୍ଧନ, ସଦାଶିବ ଆୟର, ଉଲ୍ଲାସ ଗାନ୍ଧୀ ଏବଂ ନବଦୀପ ସିଂହ ସିଦ୍ଧୁ।
Sambad is now on WhatsApp
Join and get latest news updates delivered to you via WhatsApp
ସେହିଭଳି ସି ସାମସୁଦ୍ଦିନଙ୍କ ସହ ୨୦ ଜଣଙ୍କୁ ନେଇ ଗ୍ରୁପ୍ ‘ଏ’ ଗଠିତ ହୋଇଥିବା ବେଳେ ଗ୍ରୁପ୍ ‘ବି’ରେ ୬୦, ଗ୍ରୁପ୍ ‘ସି’ରେ ୪୬ ଓ ଗ୍ରୁପ୍ ‘ଡି’ରେ ୧୧ ଜଣ ରହିଛନ୍ତି। ‘ଏ’+ ଓ ‘ଏ’ ଶ୍ରେଣୀଭୁକ୍ତ ଅମ୍ପାୟାରଙ୍କୁ ଦୈନିକ ୪୦,୦୦୦ ଟଙ୍କା ମିଳିବ। ଗ୍ରୁପ୍ ‘ବି’ ଓ ‘ସି’ ଶ୍ରେଣୀଭୁକ୍ତଙ୍କୁ ଦୈନିକ ୩୦,୦୦୦ ଟଙ୍କାର ବ୍ୟବସ୍ଥା ରହିଛି। ପୂର୍ବତନ ଅନ୍ତର୍ଜାତୀୟ ଅମ୍ପାୟାର୍ କେ ହରିହରନ୍, ସୁଧୀର ଅସନାନି ଏବଂ ଅମିଶ ସାହେବାଙ୍କୁ ନେଇ ଗଠିତ ବିସିସିଆଇ ଅମ୍ପାୟାରଙ୍କ ଉପସମିତି ଏସବୁ ଚୂଡାନ୍ତ କରିଛନ୍ତି। ଆଗାମୀ ଘରୋଇ ଋତୁରେ ମୋଟ ୧୮୩୨ ମ୍ୟାଚ୍ ଖେଳାଯିବ ବୋଲି ମଧ୍ୟ ସୂଚନା ମିଳିଛି।