୧୯ ବର୍ଷରୁ କମ୍ ମହିଳା ଦିନିକିଆ ପାଇଁ ଓଡ଼ିଶା ଦଳ
କଟକ: ଆସନ୍ତା ୧୦ ତାରିଖରୁ ଗୋଆରେ ୧୯ ବର୍ଷରୁ କମ୍ ମହିଳା ଦିନିକିଆ କ୍ରିକେଟ୍ ପ୍ରତିଯୋଗିତା ଆରମ୍ଭ ହେବ। ଏଥି ପାଇଁ ଇନ୍ଦ୍ରାଣୀ ଛତ୍ରିଆଙ୍କ ନେତୃତ୍ବରେ ୧୫ଜଣିଆ ଓଡ଼ିଶା ଦଳ ଘୋଷିତ ହୋଇଛି। ଇତିଶ୍ରୀ ପଟ୍ଟନାୟକ ପ୍ରଶିକ୍ଷକ, ସୁଧା˚ଶୁବାଳା ସାହୁ ପ୍ରବନ୍ଧକ, ବିଦ୍ୟୁତପ୍ରଭା ଦାସ ଫିଜିଓ, ଟିକିଲତା ପ୍ରଧାନ ଟ୍ରେନର ଦାୟିତ୍ବରେ ରହିବେ। ଓଡ଼ିଶା ଏଲିଟ୍ ଗ୍ରୁପ୍ ସି’ରେ ବିଦର୍ଭ, ତାମିଲନାଡୁ, ସୌରାଷ୍ଟ୍ର, ଜମ୍ମୁ କଶ୍ମୀର, ଗୁଜୁରାଟ, ତ୍ରିପୁରା ଓ ଗୋଆ ସହିତ ସ୍ଥାନ ପାଇଛି। ୧୦ ତାରିଖରେ ବିଦର୍ଭ, ୧୨ରେ ତାମିଲନାଡୁ, ୧୪ରେ ସୌରାଷ୍ଟ୍ର, ୧୬ରେ ଜମ୍ମୁ କଶ୍ମୀର, ୨୦ରେ ଗୁଜୁରାଟ, ୨୨ରେ ତ୍ରିପୁରା, ୨୬ରେ ଗୋଆ ବିପକ୍ଷରେ ଓଡ଼ିଶା ମ୍ୟାଚ୍ ଖେଳିବ।
ଓଡ଼ିଶା ଦଳ: ଇନ୍ଦ୍ରାଣୀ ଛତ୍ରିଆ, କାଜଲ ଜେନା, ପୁନମ ନାୟକ, ଶୁଭ୍ରା ସ୍ବାଇଁ, ରଶ୍ମିତା ଚିହ୍ନାରା, ସୁଇଟ୍ ବେଉରା, ସୋନାଲି ହେମ୍ବ୍ରମ୍, ବିଏଲ୍ଏସ୍ ବୈଷ୍ଣୋବୀ, ତରନା ପ୍ରଧାନ, ତନ୍ମୟୀ ବେହେରା, କଳ୍ପନା ନାୟକ, ରାଣୀ ପ୍ରସାଦ, ସୁଚିତ୍ରା ରଏ, ରାଜେଶ୍ବରୀ ଜେନା, ଭବାନୀ ଧଡ଼ା।