ଭୁବନେଶ୍ୱର: ହାଇଟେକ୍ କଲେଜ ପଡ଼ିଆରେ ଚାଲିଥିବା ଦ୍ୱିତୀୟ ରାଜ୍ୟସ୍ତରୀୟ ଦୃଷ୍ଟିହୀନ ମହିଳା କ୍ରିକେଟ୍ ଏବଂ ମାନସିକ ଦୁର୍ବଳ ପୁରୁଷ ୭-ଏ ସାଇଡ୍ ଫୁଟ୍ବଲ୍ ପ୍ରତିଯୋଗିତା ଶନିବାର ଉଦ୍ଯାପିତ ହୋଇଛି। ଉତ୍କଳ ଚାମ୍ବର ଅଫ୍ କମର୍ସ ଆଣ୍ଡ୍ ଇଣ୍ଡଷ୍ଟ୍ରିିଜ୍ (ୟୁସିସିଆଇ) ଏବଂ ଲାୟନ୍ସ କ୍ଲବ୍ ଇଣ୍ଟରନାସ୍ନାଲ୍ (ଏଲ୍ସିଆଇ)ର ମିଳିତ ସହଯୋଗରେ ସ୍ପେସାଲ୍ ଅଲିମ୍ପିକ୍ସ ଭାରତ-ଓଡ଼ିଶା ଏବଂ ଭାରତୀୟ ଦୃଷ୍ଟିହୀନ କ୍ରିକେଟ୍ ସଂଘ (କାବି) ଆନୁକୂଲ୍ୟରେ ଆୟୋଜିତ ଏହି ପ୍ରତିଯୋଗିତାର କ୍ରିକେଟ୍ରେ ଭଦ୍ରକ ଏବଂ ଫୁଟ୍ବଲ୍ରେ ବରଗଡ଼ ବିଜେତା ହୋଇଛନ୍ତି। କ୍ରିକେଟ୍ରେ ମୁନି ପୂର୍ତ୍ତି ଏବଂ ଫୁଟ୍ବଲ୍ରେ ସଚିନ୍ ନାୟକ ପ୍ରତିଯୋଗିତାର ଶ୍ରେଷ୍ଠ ଖେଳାଳି ବିବେଚିତ ହୋଇଛନ୍ତି।