ହାଜଲଉଡ୍ଙ୍କ ସ୍ଥାନ ନେବେ ବୋଲାଣ୍ଡ
ଲଣ୍ଡନ : ଆହତ ଯୋଗୁଁ ଡବ୍ଲୁଟିସି ଫାଇନାଲ୍ରୁ ବାଦ୍ ପଡ଼ିଥିବା ଜୋସ୍ ହାଜଲଉଡ୍ଙ୍କ ବଦଳ ଖେଳାଳି ହୋଇଛନ୍ତି ଦ୍ରୁତ ବୋଲର ସ୍କଟ୍ ବୋଲାଣ୍ଡ। ଫାଇନାଲ୍ରେ ଅଷ୍ଟ୍ରେଲିଆ ତାହାର ଚୂଡ଼ାନ୍ତ ଏକାଦଶରେ ବୋଲାଣ୍ଡଙ୍କୁ ବଡ଼ ଦାୟିତ୍ବ ଦେଇଛି। ଏ ସଂକ୍ରାନ୍ତରେ ଅଷ୍ଟ୍ରେଲିଆ ଅଧିନାୟକ ପ୍ୟାଟ୍ କମିନ୍ସ ସୂଚନା ଦେବାକୁ ଯାଇ କହିଛନ୍ତି ଯେ, ଏକାଦଶରେ ମିଚେଲ୍ ନେସରଙ୍କ ଅପେକ୍ଷା ବୋଲାଣ୍ଡ ସବୁଠୁ ବଡ଼ ବିକଳ୍ପ। ବୋଲାଣ୍ଡ ୨୦୨୧ରେ ମେଲବର୍ଣ୍ଣରେ ଇଂଲଣ୍ଡ ବିପକ୍ଷରୁ ପଦାର୍ପଣ କରିବା ପରଠୁ ୭ ଟେଷ୍ଟରୁ ୨୮ ୱିକେଟ୍ ନେଇସାରିଲେଣି। କିନ୍ତୁ ଇଂଲଣ୍ଡ ପରିବେଶ ସହିତ ଏହା ତାଙ୍କର ପ୍ରଥମ ଅଭିଜ୍ଞତା ହେବାକୁ ଯାଉଛି। ଏଥିପୂର୍ବରୁ ଭାରତ ବିପକ୍ଷରେ ନାଗପୁରରେ ଖେଳିଥିବା ବେଳେ ସେ ୱିକେଟ ବିହୀନ ରହିଥିଲେ।
Sambad is now on WhatsApp
Join and get latest news updates delivered to you via WhatsApp
ସମ୍ଭାବ୍ୟ ଭାରତ ଏକାଦଶ: ରୋହିତ ଶର୍ମା (ଅଧିନାୟକ), ଶୁବମନ ଗିଲ୍, ଚେତେଶ୍ବର ପୂଜାରା, ବିରାଟ କୋହଲି, ଅଜିଙ୍କ୍ୟ ରାହାଣେ, କେଏସ୍ ଭରତ, ରବିଚନ୍ଦ୍ରନ ଅଶ୍ବିନ, ରବୀନ୍ଦ୍ର ଜାଦେଜା, ଶାର୍ଦ୍ଦୁଳ ଠାକୁର, ମହମ୍ମଦ ସାମି, ମହମ୍ମଦ ସିରାଜ।
ସମ୍ଭାବ୍ୟ ଅଷ୍ଟ୍ରେଲିଆ ଏକାଦଶ: ଡେଭିଡ୍ ୱାର୍ଣ୍ଣର, ଉସମାନ ଖୱାଜା, ମାର୍ନସ ଲବୁସାନ୍, ଷ୍ଟିଭ୍ ସ୍ମିଥ୍, ଆଲେକ୍ସ କ୍ୟାରି, ଟ୍ରାଭିସ୍ ହେଡ୍, କାମେରନ୍ ଗ୍ରିନ୍, ପ୍ୟାଟ୍ କମିନ୍ସ (ଅଧିନାୟକ), ମିଚେଲ୍ ଷ୍ଟାର୍କ, ସ୍କଟ୍ ବୋଲାଣ୍ଡ, ନାଥନ୍ ଲାୟନ।