ମୁଷ୍ଟିଯୁଦ୍ଧ ବିଶ୍ବ ପ୍ରତିଯୋଗିତା: ପ୍ରିକ୍ବାର୍ଟରରେ ନରେନ୍ଦର
ନୂଆଦିଲ୍ଲୀ: ବେଲ୍ଜିୟମ୍ର ବେଲ୍ଗ୍ରେଡ୍ରେ ଚାଲିଥିବା ମୁଷ୍ଟିଯୁଦ୍ଧ ବିଶ୍ବ ପ୍ରତିଯୋଗିତାର ପ୍ରିକ୍ବାର୍ଟର ଫାଇନାଲ୍ରେ ସ୍ଥାନ ସୁରକ୍ଷିତ କରିଛନ୍ତି ଭାରତୀୟ ଯୋଦ୍ଧା ନରେନ୍ଦର ବେର୍ୱାଲ। ୯୨ କେଜି ବର୍ଗରେ ନରେନ୍ଦର ଗୁରୁବାର ଦ୍ବିତୀୟ ରାଉଣ୍ଡ୍ ଲଢ଼େଇରେ ସିଏରା ଲିଓନେର ମହମ୍ମଦ କେଣ୍ଡେଙ୍କୁ ପରାସ୍ତ କରିଦେଇଛନ୍ତି। ଲଢ଼େଇ ଏତେ ଜୋର୍ଦାର ହୋଇଥିଲା ଯେ ନରେନ୍ଦରଙ୍କ ମାଡ଼ରେ କେଣ୍ଡୋ ଘାଇଲା ହୋଇଥିଲେ। ଫଳରେ ପଦାର୍ପଣ କରିଥିବା ନରେନ୍ଦରଙ୍କ ସପକ୍ଷରେ ବାଉଟ୍ ବନ୍ଦ କରିଦିଆଯାଇଥିଲା। ଏହା ପୂର୍ବରୁ ବୁଧବାର ନିଜ ପ୍ରତିଦ୍ବନ୍ଦ୍ବୀ ଆର୍ମେନିଆର କାରେନ ଟୋନାକାନ୍ୟାନ ଜ୍ବରରେ ପୀଡ଼ିତ ହୋଇ ଓହରିଯିବାରୁ ଅନ୍ୟତମ ପଦାର୍ପଣକାରୀ ଭାରତୀୟ ବରିନ୍ଦର ସିଂହ (୬୦ କେଜି) ୱାକ୍ଓଭର ପାଇଥିଲେ।
Sambad is now on WhatsApp
Join and get latest news updates delivered to you via WhatsApp
ହେଲେ ବୁଧବାର ଆର୍ଏସ୍ଏସ୍ ବିପକ୍ଷ ଏକ ଲଢ଼େଇରେ ଲକ୍ଷ୍ୟ ଚହରଙ୍କ ପରାଜୟଙ୍କୁ ବିରୋଧ କରାଯାଇଥିଲା। ଚହର କୋରିଆର କିମ୍ ହିଓଙ୍ଗ୍କ୍ୟୁଙ୍କଠୁ ହାରିଯାଇଥିଲେ। ଚହରଙ୍କ ମାଡ଼ରେ କିମ୍ଙ୍କ ମୁହଁ ଫାଟିଯିବାରୁ ଲଢ଼େଇକୁ ବନ୍ଦ କରାଯାଇଥିଲା। ଚହର ପ୍ରଥମ ରାଉଣ୍ଡକୁ ୪-୧ରେ ଜିତିବା ପରେ ଦ୍ବିତୀୟ ରାଉଣ୍ଡରେ ଆଧିପତ୍ୟ ବିସ୍ତାର କରିଥିଲେ। ହେଲେ ଜଜ୍ କୋରିଆ ପ୍ରତିଯୋଗୀଙ୍କ ସପକ୍ଷରେ ରାୟ ଦେଇଥିଲେ। ଭାରତ ଏହାର ପ୍ରତିବାଦ କରିଥିଲେ ମଧ୍ୟ ଆବେଦନ ପ୍ରତ୍ୟାଖାନ କରିଦିଆଯାଇଥିଲା।