ନାଇରୋବି: କେନିଆର ନାଇରୋବିଠାରେ ଖେଳାଯାଉଥିବା ବିଶ୍ବ ୨୦ ବର୍ଷରୁ କମ୍ ଦୌଡ଼କୁଦ ପ୍ରତିଯୋଗିତାରେ ଭାରତୀୟ ମିଶ୍ରିତ ରିଲେ ଦଳ କାଂସ୍ୟ ପଦକ ଜିତିଛି। ୪ଗୁଣା୪୦୦ ମିଟର ମିଶ୍ରିତ ରିଲେରେ ଅବଦୁଲ ରଜାବ, ପ୍ରିୟା ମୋହନ, ସୁମ୍ମି ଓ କପିଲଙ୍କୁ ନେଇ ଗଠିତ ଭାରତୀୟ ଦଳ ଫାଇନାଲ୍ରେ ଚଳିତ ଋତୁର ଶ୍ରେଷ୍ଠ ପ୍ରଦର୍ଶନ ୩ ମିନିଟ୍ ୨୦.୬୦ ସେକେଣ୍ଡ ସମୟରେ ରେସ୍ କରି ତୃତୀୟ ସ୍ଥାନରେ ରହିଥିଲା। ନାଇଜେରିଆ ୩ ମିନିଟ୍ ୧୯.୭୦ ସେକେଣ୍ଡ ନିଜର ଚାମ୍ପିଅନ୍ସିପ୍ କୀତ୍ତିମାନ ଭାଙ୍ଗିବା ସହ ପ୍ରଥମ ସ୍ଥାନରେ ରହି ସ୍ବର୍ଣ୍ଣ ପଦକ ଜିତିଥିଲା। ସେହିଭଳି ପୋଲାଣ୍ଡ (୩:୧୯.୭୦) ଚଳିତ ଋତୁର ଶ୍ରେଷ୍ଠ ସହ ରୌପ୍ୟ ପଦକ ଜିତିଥିଲା।
Sambad is now on WhatsApp
Join and get latest news updates delivered to you via WhatsApp
ଭାରତ ନିଜ ହିଟ୍ର ପ୍ରଥମ ସ୍ଥାନରେ ରହି ଫାଇନାଲ୍ ଟିକେଟ୍ ହାସଲ କରିଥିଲା। ୩ ମିନିଟ୍ ୨୩.୩୬ ସେକେଣ୍ଡ ସମୟ ସହ ନୂଆ ଚାମ୍ପିଅନସିପ୍ କୀର୍ତ୍ତିମାନ ବି ସ୍ଥାପନ କରିଥିଲା। ଅବଶ୍ୟ ମାତ୍ର କିଛି ସମୟ ପରେ ନାଇଜେରିଆ ଦଳ ହିଟ୍-୨ରେ ଦୌଡ଼ି ୩ ମିନିଟ୍ ୨୧.୬୬ ସେକେଣ୍ଡ ସମୟ ସହ ନୂଆ କୀର୍ତ୍ତିମାନ ସ୍ଥାପନ କରିଥିଲା। ଏହା ପୂର୍ବରୁ ସୀମା ଆନ୍ତିଲ (ଡିସକସ୍, ୨୦୦୨), ନଭଜୀତ କୌର ଢିଲୋଁ (ଡିସକସ୍, ୨୦୧୪), ଅଲିମ୍ପିକ୍ସ ବିଜେତା ନୀରଜ ଚୋପ୍ରା (ଜାଭଲିନ୍, ୨୦୧୬) ଓ ହିମା ଦାସ (୪୦୦ ମିଟର, ୨୦୧୮) ପ୍ରମୁଖ ୨୦ ବର୍ଷରୁ କମ୍ ବିଶ୍ବ ଦୌଡ଼କୁଦରେ ପଦକ ଜିତି ଭାରତ ପାଇଁ ଗର୍ବ ଓ ଗୌରବ ଆଣିଛନ୍ତି।